25, March 2023
ਅੱਜ ਤੂੰਬੀ ਪਾਉਂਦੀ ਵੈਣ
ਮੈਨੂੰ ਛੱਡ ਤੁਰ ਗਿਆ
ਬਾਬਾ ਨਿਰਮਲ ਭੜਕੀਲਾ
ਸੁਰ ਮੱਧਮ ਅੱਜ ਪੈ ਗਈ
ਮੌਤ ਨੇ ਦਰ ਮੱਲ ਲਈ
ਨਾ ਰੁਕੀ ਵੇਖਿਆ ਕਰ ਹੀਲਾ
ਤੂੰਬੀ ਦੀ ਤਾਰ ਕੋਲੋ ਗੱਲਾਂ ਕਰਾ ਦੇਦਾਂ
ਇਹ ਸੁਰਾਂ ਦਾ ਸੌਦਾਗਰ
ਇਹ ਰੂਹ ਨਾਲ ਰਾਗ ਆਲਾਪ ਦਾ
ਮਨ ਨੂੰ ਕਰਕੇ ਇਕਾਗਰ
ਇਹ ਸੰਗੀਤਕ ਜਗ ਵਿੱਚ ਛਾਇਆ ਸੀ
ਤਾਰ ਦਾ ਲਚਕੀਲਾ
ਅੱਜ ਤੂੰਬੀ ਪਾਉਦੀਂ ਵੈਣ
ਮੈਨੂੰ ਛੱਡ ਤੁਰ ਗਿਆ
ਬਾਬ ਨਿਰਮਲ ਭੜਕੀਲਾ
ਕਈ ਪੁਰਾਣੇ ਗੀਤਾ ਦਾ ਸ਼ਿੰਗਾਰ ਬਣੀ ਸੀ
ਬਾਬੇ ਨਿਰਮਲ ਭੜਕੀਲੇ ਦੀ ਤੂੰਬੀ
ਅੱਜ ਬੈਠੀ ਅਲਮਾਰੀ ਦੀ ਸਲੈਬ ਤੇ
ਵੇਖੀ ਮੈਂ ਹੂੰਗੀ
ਅਜ ੳਥੇ ਥਾਂ ਤੇ ਤੁਰ ਗਿਆ
ਜਿਥੇ ਗਿਆ ਚਮਕੀਲਾ
ਅੱਜ ਤੂੰਬੀ ਪਾਉਦੀਂ ਵੈਣ
ਮੈਨੂੰ ਛੱਡ ਤੁਰ ਗਿਆ
ਬਾਬਾ ਨਿਰਮਲ ਭੜਕੀਲਾ
ਕਨਵਰ ਗਰੇਵਾਲ ਦੇ ਅਖਾੜੇ ਚ ਤੂੰਬੇ ਵਾਂਗੂੰ ਵੱਜਦੀ ਸੀ
ਵੱਖਰਾ ਰਾਗ ਆਲਾਪੇ
ਅੱਜ ਮੈਨੂੰ ਕੱਲੀ ਨੂੰ ਛੱਡ ਤੁਰ ਗਿਆ
ਮੇਰੇ ਭਾ ਦੇ ਪਏ ਸਿਆਪੇ
ਮੈਂ ਕੱਲੀ ਬੈਠੀ ਉਡੀਕੂ ਗੀ
ਕਦੋ ਆਵੇ ਕੋਈ ਵਜੀਲਾ
ਅੱਜ ਤੂੰਬੀ ਪਾਊਦੀਂ ਵੈਣ
ਮੈਨੂੰ ਛੱਡ ਤੁਰ ਗਿਆ
ਬਾਬਾ ਨਿਰਮਲ ਭੜਕੀਲਾ
ਗੁਰਚਰਨ ਧੰਜੂ