ਖਾਲਸਾ

ਖਾਲਸਾ ਉਚੇ ਤੇ ਸੁੱਚੇ ਕਿਰਦਾਰ ਵਾਲਾ
ਜਿਸਦਾ ਜਨਮ ਹੋਇਆ ਖੰਡੇ ਦੀ ਧਾਰ ਵਿੱਚੋਂ
ਖਾਲਸਾ ਬਾਣੀ ਬਾਣੇ ਦਾ ਧਾਰਨੀ ਪੂਰਾ ਹੁੰਦਾ
ਖਾਲਸਾ ਵੱਖਰਾ ਖੜਾ ਦਿਸੇ ਸਾਰੇ ਸੰਸਾਰ ਵਿੱਚੋਂ

ਮੇਰੇ ਸ਼ਹਿਨਸ਼ਾਹ ਨੇ ਸਾਨੂੰ ਐਸੀ ਦਾਤ ਬਖਸ਼ੀ
ਪੰਜ ਪਿਆਰਿਆਂ ਤੋਂ ਅੰਮ੍ਰਿਤ ਛਕਾਇਆ ਏ
ਪੰਜ ਰਹਿਤਾਂ ਸਾਨੂੰ ਬਖਸ਼ੀਆਂ ਸ਼ਹਿਨਸ਼ਾਹ ਨੇ
ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਲੜ ਲਾਇਆ ਏ

ਖਾਲਸਾ ਕਹਿਣੀ ਕਰਨੀ ਦਾ ਪੂਰਾ ਪੱਕਾ ਹੁੰਦਾ
ਮੂੰਹੋਂ ਸੱਚ ਬੋਲਦਾ ਤੇ ਓਹੀ ਕਰ ਵਿਖਾਂਵਦਾ ਏ
ਆਪਣਾ ਜੀਵਨ ਗੁਰਬਾਣੀ ਅਨੁਸਾਰ ਜਿਊਂਂਦਾ
ਸ਼ਬਦ ਦੀ ਸੱਚੀ ਟਕਸਾਲ ਵਿੱਚ ਢਲ ਜਾਂਵਦਾ ਏ

ਖਾਲਸੇ ਦਾ ਸਾਜਨਾ ਦਿਵਸ ਆ ਗਿਆ ਨੇੜੇ
ਅਮ੍ਰਿਤ ਛਕ ਕੇ ਗੁਰੂ ਵਾਲੇ ਬਣ ਜਾਈਏ ਜੀ
ਸਿੱਖੀ ਦਾ ਪੂਰਾ ਧਰਮ ਪ੍ਰਚਾਰ ਪ੍ਰਸਾਰ ਕਰਕੇ
ਹੋਰਨਾਂ ਨੂੰ ਵੀ ਗੁਰੂ ਜੀ ਦੇ ਲੜ ਲਾਈਏ ਜੀ