
ਸ੍ਰੀ ਫ਼ਤਹਿਗੜ੍ਹ ਸਾਹਿਬ, 23 ਫਰਵਰੀ (ਹਰਪ੍ਰੀਤ ਸਿੰਘ ਗੁੱਜਰਵਾਲ) : ਸਿਹਤ ਵਿਭਾਗ ਵਿੱਚ ਗਰਾਉਂਡ ਲੈਵਲ ਤੇਂ ਕੰਮ ਕਰਦੇ ਸਿਹਤ ਕਾਮਿਆਂ ਨੂੰ ਵੈਕਟਰ ਦੇ ਕੱਟਣ ਨਾਲ ਹੋਣ ਵਾਲੀਆ ਬਿਮਾਰੀਆਂ ਜਿਵੇਂ ਡੇਂਗੁ , ਚਿਕਨਗੂਨੀਆ, ਮਲੇਰੀਆ, ਜੀਕਾ, ਕਾਲਾ ਆਜਾਰ, ਫਲੇਰੀਆ, ਜੇਈ, ਆਦਿ ਸਬੰਧੀ ਆਮ ਲੋਕਾਂ ਨੂੰ ਜਾਗਰੂਕ ਕਰਨ ਅਤੇ ਇਹਨਾਂ ਬਿਮਾਰੀਆਂ ਦੇ ਖਾਤਮੇ ਲਈ ਸਿਵਲ ਸਰਜਨ ਫਤਿਹਗੜ੍ਹ ਸਾਹਿਬ ਡਾ ਦਵਿੰਦਰਜੀਤ ਕੌਰ ਦੇ ਦਿਸ਼ਾ ਨਿਰਦੇਸ਼ਾ ਅਨੁਸਾਰ ਜਿਲ੍ਹਾ ਐਪੀਡਿਮੋਲੋਜਿਸਟ ਡਾ ਪ੍ਰਭਜੋਤ ਕੌਰ ਵੱਲੋਂ ਮਲਟੀਪਰਪਜ ਹੈਲਥ ਵਰਕਰਾਂ ਨੂੰ ਇੱਕ ਰੋਜਾ ਸਿਖਲਾਈ ਦਿੱਤੀ ਗਈ । ਟਰੇਨਿੰਗ ਵਿੱਚ ਨੈਸ਼ਨਲ ਪੱਧਰ ਤੋਂ ਇਸ ਪ੍ਰੋਗਰਾਮ ਦੇ ਨੋਡਲ ਅਫਸਰ ਡਾ ਮਿਊਰ , ਸਹਾਇਕ ਪ੍ਰੋਗਰਾਮ ਅਫਸਰ ਬਲਜੀਤ ਕੌਰ, ਸਟੇਟ ਐਟੋਮੋਲੋਜਿਸਟ ਨਜਾਤ ਇੰਦਰ ਸਿੰਘ, ਜੋਨਲ ਐਂਟੋਮੋਲੋਜਿਸਟ ਅੰਮ੍ਰਿਤਪਾਲ ਕੌਰ ਵੱਲੋਂ ਉਚੇਚੇ ਤੌਰ ਤੇ ਸ਼ਿਰਕਤ ਕੀਤੀ ਗਈ ਅਤੇ ਭਾਗੀਦਾਰੀਆਂ ਨੂੰ ਵੈਕਟਰ ਬੋਰਨ ਡਿਜੀਜ ਸਬੰਧੀ ਵਿਸਥਾਰ ਸਹਿਤ ਜਾਣਕਾਰੀ ਦਿੱਤੀ। ਟਰੇਨਿੰਗ ਦੋਰਾਨ ਸੰਬੋਧਨ ਕਰਦਿਆਂ ਸਿਵਲ ਸਰਜਨ ਡਾ. ਦਵਿੰਦਰਜੀਤ ਕੌਰ ਨੇਂ ਕਿਹਾ ਕਿ ਮੱਛਰਾਂ ਦੀ ਪੈਦਾਇਸ਼ ਵਾਲੀਆਂ ਥਾਂਵਾ ਨੂੰ ਨਸ਼ਟ ਕਰਕੇ ਮਲੇਰੀਆ, ਡੇਂਗੂ, ਚਿਕਨਗੁਨੀਆਂ ਵਰਗੀਆਂ ਬਿਮਾਰੀਆਂ ਨੂੰ ਫੈਲਣ ਤੋਂ ਰੋਕਿਆ ਜਾ ਸਕਦਾ ਹੈ। ਉਹਨਾਂ ਕਿਹਾ ਕਿ ਬੁਖਾਰ ਦੇ ਹਰੇਕ ਸ਼ਕੀ ਕੇਸ ਦੀ ਜਾਂਚ ਯਕੀਨੀ ਬਣਾਈ ਜਾਵੇ। ਡਾ ਪ੍ਰਭਜੋਤ ਕੌਰ ਨੇਂ ਕਿਹਾ ਕਿ ਪੰਜਾਬ ਸਰਕਾਰ ਦੇ ਮਲੇਰੀਆ ਅਲਿਮੀਨੇਸ਼ਨ ਦੇ ਟੀਚੇ ਨੁੰ ਪੁਰਾ ਕਰਨ ਲਈ ਅਤੇ ਵਿਸ਼ਵ ਸਿਹਤ ਸੰਸਥਾਂ ਤੋਂ ਇਸ ਦੀ ਮਾਨਤਾ ਲੈਣ ਲਈ ਮਲੇਰੀਆ ਸਰਵੈਲੈਂਸ ਦੇ ਨਿਰਧਾਰਤ ਮਾਪ ਦੰਡ ਨੁੰ ਪੂਰਾ ਰੱਖਣਾ ਬੇਹੱਦ ਜਰੂਰੀ ਹੈ। ਉਹਨਾਂ ਕਿਹਾ ਕਿ ਮਲੇਰੀਆ ਨੋਟੀਫਾਈਏਬਲ ਡਜੀਜ ਹੋਣ ਕਾਰਨ ਹਰੇਕ ਪ੍ਰਾਈਵੇਟ ਲੈਬ ਅਤੇ ਹਸਪਤਾਲਾ ਵੱਲੋਂ ਵੀ ਮਲੇਰੀਆ ਜਾਂਚ ਸਬੰਧੀ ਰਿਪੋਰਟ ਦੇਣਾ ਜਰੂਰੀ ਹੈ ਤਾਂ ਜੋ ਕਿਸੇ ਵੀ ਦੂਜੇ ਰਾਜਾਂ ਤੋਂ ਆਏ ਮਲੇਰੀਆ ਪੀੜਤ ਵਿਅਕਤੀ ਤੋਂ ਅੱਗੇ ਹੋ ਸਕਣ ਵਾਲੇ ਫੈਲਾਅ ਨੂੰ ਰੋਕਿਆ ਜਾ ਸਕੇ। ਟਰੇਨਿੰਗ ਦੋਰਾਣ ਸਿਖਿਆਰਥੀਆਂ ਨੂੰ ਮੱਛਰਾਂ ਦੀਆਂ ਵੱਖ ਵੱਖ ਕਿਸਮਾਂ, ਉਹਨਾਂ ਦੇ ਕੱਟਣ ਨਾਲ ਹੋਣ ਵਾਲੀਆ ਬਿਮਾਰੀਆਂ ਡੇਂਗੁ, ਚਿਕਨਗੂਨੀਆ, ਮਲੇਰੀਆ, ਜੀਕਾ ਆਦਿ ਬਿਮਾਰੀਆਂ ਅਤੇ ਸਲਾਈਡ ਬਣਾਉਣ ਦੀ ਤਨਕੀਕ, ਪਰੋਪਰ ਰਿਕਾਰਡ ਰੱਖਣ ਬਾਰੇ ਵੀ ਦੱਸਿਆ ਗਿਆ ਅਤੇ ਆਨਲਾਈਨ ਰਿਪੋਰਟਿੰਗ ਲਈ ਜਾਣਕਾਰੀ ਦਿੱਤੀ ਗਈ। ਇਸ ਮੌਕੇ ਤੇ ਜਿਲਾ ਸਮੂਹ ਸਿੱਖਿਆ ਤੇ ਸੂਚਨਾ ਅਫਸਰ ਬਲਜਿੰਦਰ ਸਿੰਘ, ਸਹਾਇਕ ਮਲੇਰੀਆ ਅਫਸਰ ਸੋਮ ਨਾਥ , ਮਾਈਕ੍ਰੋਬੁਆਲੋਜਿਸਟ ਸੰਦੀਪ ਸਿੰਘ, ਬੀ ਸੀ ਸੀ ਅਮਰਜੀਤ ਸਿੰਘ,ਐਲ.ਟੀ, ਹਰਵਿੰਦਰ ਕੌਰ ਇਨਸੈਕਟ ਕਲੈਕਟਰ ਮਨਦੀਪ ਕੌਰ, ਆਦਿ ਹਾਜ਼ਰ ਸਨ।