ਮੋਰੇਕੈਂਬੇ ਲੀਗ ਵਨ ਕਲੱਬ ਦੇ ਮਾਲਕ ਬਣ ਨੇ ਸਿੱਖ ਨੌਜਵਾਨ ਸਰਬਜੋਤ ਸਿੰਘ ਜੌਹਲ

ਲੰਡਨ, 10 ਫਰਵਰੀ : ਇੰਗਲੈਂਡ ਵਿਚ ਸਿੱਖ ਨੌਜਵਾਨ ਸਰਬਜੋਤ ਸਿੰਘ ਜੌਹਲ (20) ਮੋਰੇਕੈਂਬੇ ਲੀਗ ਵਨ ਕਲੱਬ ਦੇ ਮਾਲਕ ਬਣ ਸਕਦੇ ਹਨ। ਉਹਨਾਂ ਨੇ ਮੋਰੇਕੈਂਬੇ ਐਫਸੀ ਟੇਕਓਵਰ ਬੋਲੀ ਵਿਚ ਟਾਈਸਨ ਫਿਊਰੀ ਨੂੰ ਪਛਾੜ ਦਿੱਤਾ। 20 ਸਾਲਾ ਸਰਬਜੋਤ ਸਿੰਘ ਜੌਹਲ ਫੁੱਟਬਾਲ ਕਲੱਬ ਖਰੀਦਣ ਵਾਲਾ ਇੰਗਲੈਂਡ ਦਾ ਸਭ ਤੋ ਘੱਟ ਉਮਰ ਦਾ ਨੌਜਵਾਨ ਮਾਲਕ ਹੋਵੇਗਾ। ਸਰਬਜੋਤ ਜੌਹਲ ਇਕ ਉਦਯੋਗਪਤੀ ਹੈ। ਜੌਹਲ ਜਨਵਰੀ 2022 ਤੋਂ ਸਰਬ ਕੈਪੀਟਲ, ਇੱਕ ਪ੍ਰਾਈਵੇਟ ਇਕੁਇਟੀ ਫਰਮ, ਨਾਮਕ ਇੱਕ ਕੰਪਨੀ ਦੇ ਚੇਅਰਮੈਨ ਵਜੋਂ ਸੂਚੀਬੱਧ ਹੈ। ਮੋਰੇਕੈਂਬੇ ਦੀ ਕੀਮਤ ਦਾ ਅੰਦਾਜ਼ਾ £20 ਮਿਲੀਅਨ ਹੈ, ਪਰ ਇਹ ਸਪਸ਼ਟ ਨਹੀਂ ਕਿ ਜੌਹਲ ਕਿੰਨੀ ਕੀਮਤ ਅਦਾ ਕਰਨ ਲਈ ਸਹਿਮਤ ਹੈ। 20 ਸਾਲ ਦੀ ਉਮਰ ਵਿੱਚ, ਜੌਹਲ ਇੱਕ ਇੰਗਲਿਸ਼ ਫੁੱਟਬਾਲ ਕਲੱਬ ਦਾ ਸਭ ਤੋਂ ਘੱਟ ਉਮਰ ਦਾ ਮਾਲਕ ਬਣਨ ਲਈ ਸਭ ਤੋਂ ਅੱਗੇ ਹੈ। ਹਾਲਾਂਕਿ ਮੋਰੇਕੈਂਬੇ ਕਲੱਬ ਨੇ ਅਜੇ ਤਕ ਇਸ ਡੀਲ ਦੀ ਪੁਸ਼ਟੀ ਨਹੀਂ ਕੀਤੀ। ਮੋਰੇਕੈਂਬੇ ਦੇ ਚੇਅਰਮੈਨ ਗ੍ਰਾਹਮ ਹੋਵਜ਼ ਕਿਹਾ ਕਿ ਸਰਬਜੋਤ ਜੌਹਲ ਕਲੱਬ ਨੂੰ ਇੱਕ ਨਵੇਂ ਪੱਧਰ 'ਤੇ ਲੈ ਜਾਣ ਲਈ ਪ੍ਰੋਜੈਕਟ ਸ਼ੁਰੂ ਕਰਨ ਲਈ ਉਤਸੁਕ ਹੈ।