ਭਾਜਪਾ ਦਾ ਮਤਲਬ ਭਾਰਤੀ ਜੁਗਾੜੂ ਪਾਰਟੀ ਹੈ : ਮੁੱਖ ਮੰਤਰੀ ਭਗਵੰਤ ਮਾਨ 

• ਜੇਕਰ ਭਾਜਪਾ 2024 ਦੀਆਂ ਚੋਣਾਂ ਜਿੱਤਦੀ ਹੈ ਤਾਂ ਦੇਸ਼ ਦਾ ਸੰਵਿਧਾਨ ਬਦਲ ਦਿੱਤਾ ਜਾਵੇਗਾ : ਮੁੱਖ ਮੰਤਰੀ ਮਾਨ 

ਨਵੀਂ ਦਿੱਲੀ, 11 ਜੂਨ : ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਦਿੱਲੀ ਦੇ ਰਾਮਲੀਲਾ ਮੈਦਾਨ ‘ਚ ਹੋਈ ਆਮ ਆਦਮੀ ਪਾਰਟੀ ਦੀ ਮੈਗਾ ਰੈਲੀ ‘ਚ ਭਾਜਪਾ ਸਰਕਾਰ ‘ਤੇ ਹਮਲਾ ਬੋਲਿਆ। ਮਾਨ ਨੇ ਪੀਐਮ ਮੋਦੀ ‘ਤੇ ਵਿਅੰਗ ਕੱਸਿਆ। ਉਨ੍ਹਾਂ ਕਿਹਾ ਕਿ ਜੇਕਰ ਭਾਜਪਾ 2024 ਦੀਆਂ ਚੋਣਾਂ ਜਿੱਤਦੀ ਹੈ ਤਾਂ ਦੇਸ਼ ਦਾ ਸੰਵਿਧਾਨ ਬਦਲ ਦਿੱਤਾ ਜਾਵੇਗਾ। ਚੋਣਾਂ ਨਹੀਂ ਹੋਣਗੀਆਂ ਤੇ ਨਰਿੰਦਰ ਮੋਦੀ ਨਰਿੰਦਰ ਪੁਤਿਨ ਬਣ ਜਾਣਗੇ। ਇਨ੍ਹਾਂ ਹੀ ਨਹੀਂ ਇਸ ਮਹਾਰੈਲੀ ਨੂੰ ਸੰਬੋਧਨ ਕਰਦਿਆਂ ਪੰਜਾਬ ਸੀਐਮ ਭਗਵੰਤ ਮਾਨ ਨੇ ਕਿਹਾ, ਭਾਜਪਾ ਦਾ ਮਤਲਬ ਭਾਰਤੀ ਜੁਗਾੜੂ ਪਾਰਟੀ ਹੈ। ਉਹ ਕੁਝ ਨਾ ਕੁਝ ਜੁਗਾੜੂ ਕਰਦੇ ਰਹਿੰਦੇ ਹਨ। ਇਸੇ ਤਰ੍ਹਾਂ ਦਿੱਲੀ ਵਿੱਚ ਵੀ ਸਰਕਾਰ ਹੈ। ਤੁਸੀਂ ਕੇਜਰੀਵਾਲ ਨੂੰ ਮੁੱਖ ਮੰਤਰੀ ਚੁਣਿਆ। ਜੇ ਉਹ ਕੰਮ ਨਹੀਂ ਕਰ ਪਾਉਣਗੇ। ਅਫਸਰਾਂ ਨੂੰ ਹੁਕਮ ਨਹੀਂ ਦੇ ਸਕਣਗੇ। ਭ੍ਰਿਸ਼ਟ ਅਫਸਰ ਬਦਲ ਨਹੀਂ ਸਕਣਗੇ। ਜੇਕਰ ਤੁਸੀਂ ਉਨ੍ਹਾਂ ਨੂੰ ਸਸਪੈਂਡ ਨਹੀਂ ਕਰ ਸਕਦੇ ਤਾਂ ਸਿਸਟਮ ਕਿਵੇਂ ਚੱਲੇਗਾ। ਉਨ੍ਹਾਂ ਕਿਹਾ, “ਇਹ ਕਹਿੰਦੇ ਹਨ ਕਿ ਸਿਰਫ਼ ਸਾਡਾ ਹੱਕ ਹੋਵੇਗਾ। ਇਹ ਦਿੱਲੀ ਦੇ 2 ਕਰੋੜ ਲੋਕਾਂ ਦਾ ਸਵਾਲ ਨਹੀਂ ਹੈ। ਇਹ ਪੂਰੇ ਦੇਸ਼ ਦੇ ਲੋਕਾਂ ਦਾ ਸਵਾਲ ਹੈ। ਇੱਥੇ ਹਰ ਰਾਜ ਦੇ ਨਾਗਰਿਕ ਰਹਿੰਦੇ ਹਨ। ਦਿੱਲੀ ਦੇਸ਼ ਦਾ ਦਿਲ ਹੈ। ਇਨ੍ਹਾਂ ਵਿਚ ਸੁਪਰੀਮ ਕੋਰਟ ਦੇ ਫੈਸਲੇ ਨੂੰ ਪਲਟਣ ਦੀ ਹਿੰਮਤ ਹੈ। ਮੋਦੀ ਜੀ, ਨਦੀਆਂ ਨੂੰ ਰੋਕਿਆ ਨਹੀਂ ਜਾ ਸਕਦਾ। ਨਦੀਆਂ ਆਪਣਾ ਰਸਤਾ ਬਣਾਉਂਦੀਆਂ ਹਨ। ਜੋ ਦਾ ਦਿਲਾਂ ‘ਤੇ ਰਾਜ ਹੁੰਦਾ ਹੈ ਉਹ ਹੁੂਕੁਮਤ ਕਰਦੇ ਹਨ। ਦੂਜੇ ਸ਼ਬਦਾਂ ਵਿਚ, ਮੁਰਗੇ ਦੇ ਸਿਰ ‘ਤੇ ਤਾਜ ਹੁੰਦਾ ਹੈ। ਕੇਜਰੀਵਾਲ ਜੀ ਦਿਲਾਂ ‘ਤੇ ਰਾਜ ਕਰ ਰਹੇ ਹਨ। ਇਸ ਪਿਆਰ ਕਾਰਨ ਸਾਡੇ ਹੌਸਲੇ ਬੁਲੰਦ ਹਨ। ਸਾਨੂੰ ਦੇਸ਼ ਭਰ ਤੋਂ ਸਮਰਥਨ ਮਿਲ ਰਿਹਾ ਹੈ।” ਭਗਵੰਤ ਮਾਨ ਨੇ ਕਿਹਾ, ਅੱਜ ਇਹ ਸ਼ਕਤੀ ਪ੍ਰਦਰਸ਼ਨ ਨਹੀਂ ਹੈ। ਇਹ ਗੱਲ ਲੋਕਾਂ ਤੱਕ ਪਹੁੰਚਾਉਣੀ ਹੈ-ਕਿਵੇਂ ਤੁਹਾਡੇ ਹੱਕ ਖੋਹੇ ਜਾ ਰਹੇ ਹਨ। ਤੁਸੀਂ ਲਾਈਨ ਵਿੱਚ ਖੜੇ ਹੋ ਕੇ ਵੋਟ ਕਰੋ ਅਤੇ ਨੇਤਾ ਚੁਣੋ। ਪਰ ਮੋਦੀ ਸਾਹਿਬ ਅਤੇ ਭਾਜਪਾ ਵਾਲੇ ਨਹੀਂ ਚਾਹੁੰਦੇ ਕਿ ਉਨ੍ਹਾਂ ਤੋਂ ਇਲਾਵਾ ਕੋਈ ਹੋਰ ਸਰਕਾਰ ਬਣੇ। ਜੇਕਰ ਚੋਣਾਂ ਤੋਂ ਬਾਅਦ ਭਾਜਪਾ ਦੀ ਸਰਕਾਰ ਨਾ ਬਣੀ ਤਾਂ ਇਹ ਲੋਕ ਪਿੱਛੇ ਦੇ ਦਰਵਾਜ਼ੇ ਬਣਾ ਲੈਣਗੇ। ਵਿਧਾਇਕ ਖਰੀਦ ਲੈਣਗੇ। ਫਿਰ ਜ਼ਿਮਨੀ ਚੋਣਾਂ ਕਰਵਾ ਲ਼ਓ। ਸਵੇਰੇ 4 ਵਜੇ ਰਾਜਪਾਲ ਨੂੰ ਜਗਾਓ। CM ਨੂੰ ਇੱਕ ਵਾਰ ਸਹੁੰ ਚੁਕਵਾ ਦਿਉ ਬਾਕੀ ਬਾਅਦ ਵਿੱਚ ਦੇਖਾਂਗੇ। ਇਹ ਚੱਲ ਰਿਹਾ ਹੈ।”