ਸ਼ਿਮਲਾ, 22 ਜੁਲਾਈ : ਉੱਤਰੀ ਭਾਰਤ ਦੇ ਤਿੰਨ ਵੱਖ ਵੱਖ ਪਹਾੜੀ ਸੂਬਿਆਂ ‘ਚ ਮਾਨਸੂਨ ਦੀ ਆਮਦ ਤੋਂ ਬਾਅਦ ਭਾਰੀ ਮੀਂਹ ਅਤੇ ਬੱਦਲ ਫਟਣ ਦੀਆਂ ਕਈ ਘਟਨਾਵਾਂ ਵਾਪਰ ਚੁੱਕੀਆਂ ਹਨ। ਹਿਮਾਚਲ ਦੇ ਸ਼ਿਮਲਾ ਵਿੱਚ ਸ਼ਨੀਵਾਰ ਨੂੰ ਬੱਦਲ ਫਟਣ ਕਾਰਨ 3 ਲੋਕਾਂ ਦੀ ਮੌਤ ਹੋ ਗਈ, ਜਦੋਂ ਕਿ 2 ਵਿਅਕਤੀ ਪਾਣੀ ਦੇ ਵਹਾਅ ਵਿੱਚ ਵਹਿ ਗਏ। ਇਸ ਤੋਂ ਇਲਾਵਾ ਉੱਤਰਾਖੰਡ ਵਿੱਚ 4 ਥਾਵਾਂ ਤੇ ਬੱਦਲ ਫਟਣ ਕਾਰਨ ਕਾਫੀ ਜਿਆਦਾ ਨੁਸਕਾਨ ਝੱਲਣਾ ਪੈ ਰਿਹਾ ਹੈ। ਜੰਮੂ-ਕਸ਼ਮੀਰ ਵਿੱਚ ਵੀ ਬੱਦਲ ਫਟਣ ਪਏ ਭਾਰੀ ਮੀਂਹ ਕਾਰਨ ਜ਼ਮੀਨ ਖਿਸਕਣ ਕਾਰਨ ਜੰਮੂ- ਸ਼੍ਰੀਨਗਰ ਰਾਸ਼ਟਰੀ ਰਾਜ ਮਾਰਗ ਬੰਦ ਕਰਨਾ ਪਿਆ।ਮੌਸਮ ਵਿਭਾਗ ਵੱਲੋਂ ਹਿਮਾਚਲ ‘ਚ ਜਿੱਥੇ ਭਾਰੀ ਮੀਂਹ ਦਾ ਅਲਰਟ ਜਾਰੀ ਕੀਤਾ ਗਿਆ ਹੈ, ਉੱਥੇ ੳੇੁਤਰਾਖੰਡ ਵਿੱਚ ਮੀਂਹ ਲਈ ਯੈਲੋ ਅਲਰਟ ਜਾਰੀ ਕੀਤਾ ਗਿਆ ਹੈ। ਹਿਮਾਚਲ ਪ੍ਰਦੇਸ਼ ਦੇ ਸ਼ਿਮਲਾ ਜ਼ਿਲੇ ਦੇ ਰੋਹੜੂ 'ਚ ਸ਼ਨੀਵਾਰ ਤੜਕੇ ਬੱਦਲ ਫਟਣ ਕਾਰਨ ਦਾਦਾ-ਦਾਦੀ ਅਤੇ ਪੋਤੇ-ਪੋਤੀਆਂ ਨੂੰ ਵਹਿ ਗਿਆ। ਦਾਦੇ ਦੀ ਲਾਸ਼ ਬਰਾਮਦ ਕਰ ਲਈ ਗਈ ਹੈ, ਜਦਕਿ ਦਾਦੀ ਅਤੇ ਪੋਤੇ ਦੀ ਭਾਲ ਜਾਰੀ ਹੈ। ਮਲਬਾ ਇੱਥੇ ਕਈ ਘਰਾਂ ਵਿੱਚ ਵੜ ਗਿਆ ਅਤੇ ਕੁਝ ਵਾਹਨ ਵੀ ਵਹਿ ਗਏ। ਸ਼ਿਮਲਾ ਵਿੱਚ ਹੀ, ਬਾਗ ਦੁਮਈਹਾਰ ਪੰਚਾਇਤ ਵਿੱਚ ਇੱਕ ਘਰ ਦੇ ਮਲਬੇ ਹੇਠ ਦੱਬਣ ਨਾਲ ਨੇਪਾਲੀ ਮੂਲ ਦੇ ਦੋ ਲੋਕਾਂ ਦੀ ਮੌਤ ਹੋ ਗਈ। ਹਿਮਾਚਲ ਦੇ ਕਈ ਇਲਾਕਿਆਂ 'ਚ ਸ਼ੁੱਕਰਵਾਰ ਰਾਤ ਤੋਂ ਸ਼ਨੀਵਾਰ ਸ਼ਾਮ ਤੱਕ ਬਾਰਿਸ਼ ਜਾਰੀ ਰਹੀ। ਇਸ ਕਾਰਨ ਪਾਣੀ ਅਤੇ ਮਲਬਾ ਘਰਾਂ ਵਿੱਚ ਵੜ ਗਿਆ ਅਤੇ ਕਈ ਥਾਵਾਂ ’ਤੇ ਵਾਹਨ ਮਲਬੇ ਹੇਠ ਦੱਬ ਗਏ। ਸੂਬੇ ਵਿੱਚ ਕਰੀਬ 610 ਸੜਕਾਂ ਬੰਦ ਹਨ। ਇਸ ਦੇ ਨਾਲ ਹੀ ਸ਼ਨੀਵਾਰ ਨੂੰ ਕਾਂਗੜਾ ਅਤੇ ਕੁੱਲੂ ਹਵਾਈ ਅੱਡਿਆਂ 'ਤੇ ਕੋਈ ਵੀ ਜਹਾਜ਼ ਨਹੀਂ ਪਹੁੰਚਿਆ।ਉੱਤਰਾਖੰਡ ਵਿੱਚ ਬੱਦਲ ਫਟਣ ਨਾਲ ਉੱਤਰਕਾਸ਼ੀ ਜ਼ਿਲ੍ਹੇ ਦੇ ਪੁਰੋਲਾ, ਬਰਕੋਟ, ਧੌਂਤਰੀ ਅਤੇ ਪਿਥੌਰਾਗੜ੍ਹ ਦੇ ਬੰਗਾਪਾਨੀ ਵਿੱਚ ਭਾਰੀ ਤਬਾਹੀ ਹੋਈ। ਉੱਤਰਕਾਸ਼ੀ ਵਿੱਚ ਚਾਰ ਪੁਲੀਆਂ ਦੇ ਵਹਿ ਜਾਣ ਨਾਲ 40 ਤੋਂ ਵੱਧ ਸੜਕਾਂ ਅਤੇ ਫੁੱਟਪਾਥਾਂ ਨੂੰ ਨੁਕਸਾਨ ਪਹੁੰਚਿਆ ਹੈ। ਇਸ ਦੇ ਨਾਲ ਹੀ ਰਿਜ਼ੋਰਟ, ਦੁਕਾਨ ਅਤੇ 30 ਤੋਂ ਵੱਧ ਘਰਾਂ ਵਿੱਚ ਦਾਖਲ ਹੋਏ ਮਲਬੇ ਦੇ ਨਾਲ-ਨਾਲ 12 ਤੋਂ ਵੱਧ ਵਾਹਨ ਵੀ ਮਲਬੇ ਹੇਠ ਦੱਬ ਗਏ ਹਨ। ਯਮੁਨੋਤਰੀ ਜਾ ਰਹੇ 700 ਸ਼ਰਧਾਲੂ ਰਸਤੇ ਵਿੱਚ ਫਸੇ ਹੋਏ ਹਨ। ਬਦਰੀਨਾਥ ਰੋਡ ਨੂੰ ਵੀ ਜਾਮ ਕਰ ਦਿੱਤਾ ਗਿਆ ਹੈ। ਸੂਬੇ ਵਿੱਚ ਤਿੰਨ ਰਾਜ ਮਾਰਗਾਂ, ਸੱਤ ਰਾਜ ਮਾਰਗਾਂ ਅਤੇ 190 ਲਿੰਕ ਸੜਕਾਂ ਸਮੇਤ 200 ਤੋਂ ਵੱਧ ਸੜਕਾਂ ਜਾਮ ਹੋ ਗਈਆਂ ਹਨ, ਜਿਸ ਕਾਰਨ ਕਰੀਬ 400 ਪਿੰਡਾਂ ਦਾ ਸੰਪਰਕ ਟੁੱਟ ਗਿਆ ਹੈ।
