ਮਲੇਰਕੋਟਲਾ, 17 ਫਰਵਰੀ : ਲੋੜੀਂਦੇ ਅਪਰਾਧੀਆਂ ਨੂੰ ਫੜਨ ਲਈ ਸਵੇਰੇ-ਸਵੇਰੇ ਛਾਪੇ ਮਾਰਨ ਦੀ ਆਪਣੀ ਰਵਾਇਤ ਨੂੰ ਜਾਰੀ ਰੱਖਦੇ ਹੋਏ ਮਾਲੇਰਕੋਟਲਾ ਪੁਲਿਸ ਨੇ ਅੱਜ ਜ਼ਿਲ੍ਹੇ ਵਿੱਚ 100 ਤੋਂ ਵੱਧ ਥਾਵਾਂ ‘ਤੇ ਛਾਪੇਮਾਰੀ ਕਰਕੇ 41 ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਜੋ ਗ੍ਰਿਫ਼ਤਾਰੀ ਤੋਂ ਬਚ ਰਹੇ ਸਨ। ਫੜੇ ਗਏ ਮੁਲਜ਼ਮਾਂ ਦੀ ਪਛਾਣ ਹਾਸੀਮ ਪੁੱਤਰ ਬੱਬੂ ਤੇਲੀ ਵਾਸੀ ਕੱਚਾ ਕੋਟ ਮਲੇਰਕੋਟਲਾ, ਸਿੰਦਰ ਸਿੰਘ ਵਾਸੀ ਚੰਦਰ ਦੀ ਬਸਤੀ ਨੇੜੇ ਕਮਲ ਸਿਨੇਮਾ ਮਾਲੇਰਕੋਟਲਾ, ਸੂਫੀਆਨ ਉਰਫ ਕਾਕਾ ਪੁੱਤਰ ਲਿਆਕਤ ਅਲੀ ਉਰਫ ਲੱਖੇਵਾਲਾ ਵਾਸੀ ਕੋਟਲਾ ਚਾਦਰਾ ਬਸਤੀ ਕਮਾਲ, ਜਸਪ੍ਰੀਤ ਸਿੰਘ, ਸੋਹਨ ਸਿੰਘ ਵਾਸੀ ਰਾਏਕੋਟ ਰੋਡ ਮਾਲੇਰਕੋਟਲਾ, ਆਮਿਰ ਪੁੱਤਰ ਮੁਹੰਮਦ ਮੁਨੀਰ ਵਾਸੀ ਗੇਟ ਬਾਗ ਵਾਲਾ ਨੀਵਾਂ ਸੱਤਾ ਚੌਕ ਮਾਲੇਰਕੋਟਲਾ, ਮੁਹੰਮਦ ਸਹਿਜਾਦ ਪੁੱਤਰ ਨਜਾਮਦੀਨ ਵਾਸੀ ਧੋਬਘਾਟ ਬੇਰੀਆ ਮਾਲੇਰਕੋਟਲਾ, ਮੁਹੰਮਦ ਉਸਮਾਨ ਉਰਫ਼ ਲੱਲਾ ਪੁੱਤਰ ਮੁਹੰਮਦ ਹਾਮਿਦ ਉਰਫ਼ ਗਾਲੂ ਵਾਸੀ ਡੂਮੋਂ ਵਾਲੀ ਗਲੀ ਸੁਨਾਮੀ ਗੇਟ, ਹਾਸਿਮ ਪੁੱਤਰ ਕਾਲਾ ਵਾਸੀਅਨ ਗਰੀਬ ਨਗਰ ਮਾਲੇਰਕੋਟਲਾ, ਹਾਰੂਨ ਉਰਫ ਬਿੱਟੂ ਪੁੱਤਰ ਮੁਹੰਮਦ ਫਕੀਰੀਆ ਵਾਸੀ ਮੁਹੱਲਾ ਭੂਮਸੀ ਮਾਲੇਰਕੋਟਲਾ, ਸੁਮਿਤ ਸਹੋਤਾ ਉਰਫ ਕਾਕਾ ਪੁੱਤਰ ਕਿਰਨ ਕੁਮਾਰ ਵਾਸੀ ਲਵਕੁਸ਼ ਨਗਰ ਨੇੜੇ ਕੁਟੀ ਰੋਡ ਮਲੇਰਕੋਟਲਾ, ਨਛੱਤਰ ਸਿੰਘ ਵਾਸੀ ਮੁਹੱਲਾ ਭੂਮੀਆਂ ਮਲੇਰਕੋਟਲਾ, ਅਨੂਪ ਸਿੰਘ ਪੁੱਤਰ ਹਰਮੀਤ ਸਿੰਘ ਵਾਸੀ ਸ਼ੇਰਗੜ੍ਹ ਚੀਮਾ ਥਾਣਾ ਸੰਦੌੜ, ਹਰਜੋਤ ਸਿੰਘ ਪੁੱਤਰ ਜਰਨੈਲ ਸਿੰਘ, ਗੁਰਿੰਦਰ ਸਿੰਘ ਪੁੱਤਰ ਕੁਲਵਿੰਦਰ ਸਿੰਘ ਅਤੇ ਤਿਲਕ ਰਾਜ ਵਜੋਂ ਹੋਈ ਹੈ। ਜ਼ਿਲ੍ਹੇ ਦੀਆਂ ਸਾਰੀਆਂ ਪੁਲਿਸ ਸਬ-ਡਵੀਜ਼ਨਾਂ ਵਿੱਚ ਡੀਐਸਪੀਜ਼ ਅਤੇ ਐਸਐਚਓਜ਼ ਦੀ ਅਗਵਾਈ ਵਿੱਚ ਟੀਮਾਂ ਵੱਲੋਂ ਸਵੇਰੇ ਤੜਕੇ ਤੋਂ ਹੀ ਵਿਆਪਕ ਛਾਪੇਮਾਰੀ ਕੀਤੀ ਗਈ। ਇਸ ਕਾਰਵਾਈ ਦੀ ਜਾਣਕਾਰੀ ਦਿੰਦੇ ਹੋਏ ਸੀਨੀਅਰ ਕਪਤਾਨ ਪੁਲਿਸ ਮਾਲੇਰਕੋਟਲਾ ਸ. ਹਰਕਮਲ ਪ੍ਰੀਤ ਸਿੰਘ ਖੱਖ ਨੇ ਦੱਸਿਆ ਕਿ ਮਾਲੇਰਕੋਟਲਾ ਨੂੰ ਅਪਰਾਧ ਮੁਕਤ ਜ਼ਿਲ੍ਹਾ ਬਣਾਉਣ ਲਈ ਕੀਤੇ ਜਾ ਰਹੇ ਯਤਨਾਂ ਤਹਿਤ ਅੱਜ ਅਸੀਂ 41 ਲੋੜੀਂਦੇ ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕੀਤਾ ਹੈ ਜੋ ਕਿ 56 ਵੱਖ-ਵੱਖ ਮਾਮਲਿਆਂ ਵਿੱਚ ਨਾਮਜ਼ਦ ਸਨ। ਗ੍ਰਿਫਤਾਰ ਕੀਤੇ ਗਏ 41 ਵਿਅਕਤੀਆਂ ਵਿੱਚੋਂ: 15 ਪਹਿਲਾਂ ਹੀ ਲੰਬਿਤ ਵਾਰੰਟਾਂ ਨਾਲ ਪੁਲਿਸ ਨੂੰ ਲੋੜੀਂਦੇ ਸਨ, 9 ਇਸ ਸਮੇਂ ਜੇਲ੍ਹ ਵਿੱਚ ਸਜ਼ਾ ਕੱਟ ਰਹੇ ਸਨ, 1 ਮੁਲਜ਼ਮ ਦੀ ਪਹਿਲਾਂ ਮੌਤ ਹੋ ਗਈ ਸੀ ਅਤੇ 16 ਵਿਅਕਤੀਆਂ ਦੀਆਂ ਐਫਆਈਆਰ ਰੱਦ ਹੋ ਗਈਆਂ ਸਨ ਅਤੇ ਉਹ ਹੁਣ ਜਾਂਚ ਵਿੱਚ ਸ਼ਾਮਲ ਕੀਤੇ ਗਏ ਹਨ। ਐਸਐਸਪੀ ਖੱਖ ਨੇ ਅੱਗੇ ਕਿਹਾ, “ਸਾਡੀਆਂ ਟੀਮਾਂ ਨੇ ਅੱਜ ਤੜਕੇ 4 ਵਜੇ ਤੋਂ 100 ਤੋਂ ਵੱਧ ਥਾਵਾਂ ‘ਤੇ ਛਾਪੇਮਾਰੀ ਕੀਤੀ। ਅੱਜ ਗ੍ਰਿਫਤਾਰ ਕੀਤੇ ਗਏ ਮੁਲਜ਼ਮ ਚੋਰੀ, ਡਕੈਤੀ, ਹਮਲਾ, ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ, ਧੋਖਾਧੜੀ ਅਤੇ ਇੱਥੋਂ ਤੱਕ ਕਿ ਕਤਲ ਵਰਗੇ ਅਪਰਾਧਾਂ ਲਈ ਲੋੜੀਂਦੇ ਸਨ।”
ਫੜੇ ਗਏ ਮੁਲਜ਼ਮਾਂ ਨੂੰ ਸਥਾਨਕ ਅਦਾਲਤ ਵਿੱਚ ਪੇਸ਼ ਕਰਕੇ ਉਨ੍ਹਾਂ ਦਾ ਰਿਮਾਂਡ ਲੈ ਕੇ ਹੋਰ ਪੁੱਛਗਿੱਛ ਕੀਤੀ ਜਾਵੇਗੀ।
ਤੜਕੇ ਛਾਪੇਮਾਰੀ ਮਾਲੇਰਕੋਟਲਾ ਪੁਲਿਸ ਦੁਆਰਾ ਲੋੜੀਂਦੇ ਅਪਰਾਧੀਆਂ ਨੂੰ ਉਨ੍ਹਾਂ ਦੇ ਛੁਪਣਗਾਹਾਂ ਤੋਂ ਬਾਹਰ ਫੜਨ ਲਈ ਲਾਗੂ ਕੀਤੀ ਗਈ ਇੱਕ ਪ੍ਰਭਾਵਸ਼ਾਲੀ ਰਣਨੀਤੀ ਹੈ। ਮਾਲੇਰਕੋਟਲਾ ਪੁਲਿਸ ਨੇ ਖੇਤਰ ਵਿੱਚ ਅਪਰਾਧ ਦਰ ਨੂੰ ਕਾਬੂ ਕਰਨ ਦੇ ਆਪਣੇ ਯਤਨਾਂ ਦੇ ਹਿੱਸੇ ਵਜੋਂ ਭਵਿੱਖ ਵਿੱਚ ਵੀ ਅਜਿਹੇ ਛਾਪੇਮਾਰੀ ਜਾਰੀ ਰੱਖਣ ਦਾ ਦਾਵਾ ਕੀਤਾ ਹੈ।
