ਧਰਮਕੋਟ, 19 ਅਪ੍ਰੈਲ : ਧਰਮਕੋਟ ਦੇ ਪਿੰਡ ਲੋਹਗੜ੍ਹ ਦੇ ਰਹਿਣ ਵਾਲੇ ਦੇਵ ਸਿੰਘ ਨੇ 2.50 ਕਰੋੜ ਰੁਪਏ ਦੀ ਲਾਟਰੀ ਜਿੱਤੀ ਹੈ ਪਰ ਦੇਵ ਸਿੰਘ ਇਸ ਇਨਾਮ ਨੂੰ ਕੁਦਰਤ ਨਾਲ ਪਿਆਰ ਦਾ ਨਤੀਜਾ ਦੱਸ ਰਿਹਾ ਹੈ। ਲੋਹਗੜ੍ਹ ਇਲਾਕੇ ਵਿੱਚ ਜਾਣ ’ਤੇ ਇੱਕ ਕੱਚਾ ਘਰ ਵੇਖਣ ਨੂੰ ਮਿਲਦਾ ਹੈ। ਜਦੋਂ ਤੁਸੀਂ ਅੰਦਰ ਜਾਂਦੇ ਹੋ ਤਾਂ ਤੁਹਾਨੂੰ ਚਾਰ ਛੋਟੇ ਕਮਰੇ ਅਤੇ ਕੱਚੇ ਫਰਸ਼ ਦਿਖਾਈ ਦਿੰਦੇ ਹਨ। ਇਸ ਵਿੱਚ ਕਰੋੜਪਤੀ ਦੇਵ ਸਿੰਘ ਹੀ ਰਹਿੰਦਾ ਹੈ। ਲੋਹਗੜ੍ਹ ਦਾ ਰਹਿਣ ਵਾਲਾ ਦੇਵ ਸਿੰਘ ਸਾਲਾਂ ਤੋਂ ਰਿਕਸ਼ਾ ਚਲਾ ਕੇ ਆਪਣੇ ਪਰਿਵਾਰ ਦਾ ਪੇਟ ਪਾਲ ਰਿਹਾ ਸੀ। ਉਸ ਨੂੰ ਨਾ ਤਾਂ ਸ਼ਰਾਬ ਸੀ ਅਤੇ ਨਾ ਹੀ ਕੋਈ ਹੋਰ ਨਸ਼ੇ ਦੀ ਆਦਤ। ਉਸ ਕੋਲ ਲਾਟਰੀ ਜਿੱਤਣ ਦਾ ਹੁਨਰ ਸੀ, ਜਿਸ ਕਾਰਨ ਉਹ ਕਰੋੜਪਤੀ ਬਣ ਗਿਆ। ਦੇਵ ਸਿੰਘ ਨੇ ਦੱਸਿਆ ਕਿ 40 ਸਾਲਾਂ ਤੋਂ ਉਹ ਹਰ ਖਾਸ ਦਿਨ 'ਤੇ ਲਾਟਰੀ ਲਗਾਉਂਦਾ ਸੀ। ਉਸਨੂੰ ਜਿੱਤਣ ਦੀ ਕਦੇ ਵੀ ਉਮੀਦ ਨਹੀਂ ਸੀ ਅਤੇ ਨਾ ਹੀ ਉਸਨੇ ਅੱਜ ਤੱਕ 100 ਰੁਪਏ ਦਾ ਇਨਾਮ ਵੀ ਜਿੱਤਿਆ ਸੀ, ਦੇਵ ਸਿੰਘ ਸਿਰਫ਼ ਮਿਹਨਤ ਵਿੱਚ ਵਿਸ਼ਵਾਸ ਰੱਖਦਾ ਹੈ, ਪਰ ਉਹ ਕੁਦਰਤ ਨੂੰ ਬਹੁਤ ਪਿਆਰ ਕਰਦਾ ਹੈ। ਜੇ ਉਹ ਪਿਆਸਾ ਜਾਨਵਰ ਵੇਖਦਾ, ਤਾਂ ਉਹ ਉਸ ਨੂੰ ਪਾਣੀ ਦੇਣ ਲਈ ਰੁਕ ਜਾਂਦਾ। ਜੇਕਰ ਕੋਈ ਰੁੱਖ ਸੁੱਕਾ ਦਿਸਦਾ ਤਾਂ ਉਸ ਨੂੰ ਪਾਣੀ ਪਿਲਾ ਦਿੰਦਾ। ਇਹ ਆਦਤ ਉਸ ਨੂੰ ਬਚਪਨ ਤੋਂ ਹੀ ਸੀ। ਦੇਵ ਸਿੰਘ ਦਾ ਕਹਿਣਾ ਹੈ ਕਿ ਉਸ ਦੀ ਇਸ ਸੇਵਾ ਨੇ ਅੱਜ ਉਸ ਨੂੰ ਇਸ ਇਨਾਮ ਦਾ ਹੱਕਦਾਰ ਬਣਾਇਆ ਹੈ। ਦੇਵ ਸਿੰਘ ਨੇ ਦੱਸਿਆ ਕਿ ਉਹ ਜਿੰਨੇ ਪੈਸੇ ਕਮਾਉਂਦਾ ਸੀ, ਉਹ ਸਾਰਾ ਘਰ ਘਰ ਹੀ ਖਰਚ ਕਰਦਾ ਸੀ। ਇਸੇ ਲਈ ਉਸ ਨੇ ਕਦੇ ਬੈਂਕ ਖਾਤਾ ਖੋਲ੍ਹਣ ਬਾਰੇ ਵੀ ਨਹੀਂ ਸੋਚਿਆ। ਉਸ ਕੋਲ ਮੋਬਾਈਲ ਵੀ ਨਹੀਂ ਹੈ, ਪਰ ਹੁਣ ਉਹ ਕੱਲ੍ਹ ਹੀ ਜਾ ਕੇ ਬੈਂਕ ਖਾਤਾ ਖੋਲ੍ਹੇਗਾ ਅਤੇ ਇਸ ਇਨਾਮੀ ਰਾਸ਼ੀ ਨਾਲ ਮੋਬਾਈਲ ਖਰੀਦੇਗਾ। ਦੇਵ ਸਿੰਘ ਨੇ ਦੱਸਿਆ ਕਿ ਉਸ ਦੇ 4 ਲੜਕੇ ਅਤੇ ਇੱਕ ਬੇਟੀ ਹੈ। ਸਾਰੇ ਪੁੱਤਰ-ਧੀਆਂ ਵਿਆਹੇ ਹੋਏ ਹਨ। ਦੇਵ ਸਿੰਘ ਨੇ ਕਿਹਾ ਕਿ ਵਾਹਿਗੁਰੂ ਨੇ ਉਸ ਦੀ ਸੁਣ ਲਈ ਹੈ ਅਤੇ ਉਨ੍ਹਾਂ ਦੀ ਕਿਰਪਾ ਨਾਲ ਅੱਜ ਉਸ ਨੇ 2.5 ਕਰੋੜ ਰੁਪਏ ਦੀ ਲਾਟਰੀ ਜਿੱਤੀ ਹੈ। ਗੁਰਦੇਵ ਸਿੰਘ ਦਾ ਕਹਿਣਾ ਹੈ ਕਿ ਉਹ ਇਸ ਪੈਸੇ ਨਾਲ ਆਪਣੇ ਬੱਚਿਆਂ ਲਈ ਵਧੀਆ ਘਰ ਬਣਾਵੇਗਾ।
