ਜਰਮਨ, 31 ਦਸੰਬਰ : ਸਾਬਕਾ ਕੈਥੋਲਿਕ ਪੋਪ ਬੇਨੇਡਿਕਟ 16ਵੇਂ ਦਾ ਵੈਟੀਕਨ ਸਿਟੀ ਵਿੱਚ ਸ਼ਨੀਵਾਰ ਨੂੰ ਦਿਹਾਂਤ ਹੋ ਗਿਆ। ਉਨ੍ਹਾਂ ਨੇ 95 ਸਾਲ ਦੀ ਉਮਰ ‘ਚ ਆਖ਼ਰੀ ਸਾਹ ਲਿਆ। ਵੈਟੀਕਨ ਚਰਚ ਦੇ ਬੁਲਾਰੇ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਸਾਨੂੰ ਦੁੱਖ ਨਾਲ ਸੂਚਿਤ ਕਰਨ ਪੈ ਰਿਹਾ ਹੈ ਕਿ ਸਾਬਕਾ ਪੋਪ ਬੇਨੇਡਿਕਟ 16ਵੇਂ ਦਾ ਵੈਟੀਕਨ ਵਿੱਚ ਮੇਟਰ ਏਕਲੇਸੀਆ ਮੱਠ ਵਿੱਚ ਸਵੇਰੇ 9:34 ਵਜੇ ਦਿਹਾਂਤ ਹੋ ਗਿਆ। ਬੇਨੇਡਿਕਟ XVI ਦੀ ਮੌਤ ‘ਤੇ ਵੈਟੀਕਨ ਸਿਟੀ ਦੇ ਪੋਪ ਫਰਾਂਸਿਸ ਨੇ ਕਿਹਾ ਕਿ ਉਹ ਅਕਸਰ ਉਨ੍ਹਾਂ ਨੂੰ ਮਿਲਣ ਆਉਂਦੇ ਸਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਬੇਨੇਡਿਕਟ 16ਵੇਂ ਕੁਝ ਸਮੇਂ ਤੋਂ ਬਿਮਾਰ ਚੱਲ ਰਹੇ ਸਨ। ਬੁਢਾਪੇ ਕਾਰਨ ਉਨ੍ਹਾਂ ਦੀ ਸਿਹਤ ਵਿਗੜ ਗਈ ਸੀ। ਪੋਪ ਫਰਾਂਸਿਸ ਨੇ ਬੁੱਧਵਾਰ ਨੂੰ ਵੈਟੀਕਨ ਵਿਖੇ ਆਮ ਦਰਸ਼ਕਾਂ ਨੂੰ ਬੇਨੇਡਿਕਟ ਲਈ ਵਿਸ਼ੇਸ਼ ਪ੍ਰਾਰਥਨਾ ਕਰਨ ਦੀ ਅਪੀਲ ਕੀਤੀ। ਪੋਪ ਫਰਾਂਸਿਸ ਨੇ ਕਿਹਾ ਸੀ ਕਿ ਅਸੀਂ ਪ੍ਰਭੂ ਤੋਂ ਪ੍ਰਾਰਥਨਾ ਕਰਦੇ ਹਾਂ ਕਿ ਉਹ ਚਰਚ ‘ਤੇ ਅੰਤ ਤੱਕ ਆਪਣੀ ਕਿਰਪਾ ਬਣਾਈ ਰੱਖਣ। ਬੇਨੇਡਿਕਟ ਦਾ ਜਨਮ ਜਰਮਨੀ ਵਿੱਚ ਹੋਇਆ ਸੀ ਅਤੇ ਉਸਦਾ ਬਚਪਨ ਦਾ ਨਾਮ ਜੋਸੇਫ ਰੈਟਜ਼ਿੰਗਰ ਸੀ। ਬੇਨੇਡਿਕਟ ਨੂੰ 2005 ਵਿੱਚ ਵੈਟੀਕਨ ਸਿਟੀ ਦਾ ਪੋਪ ਚੁਣਿਆ ਗਿਆ ਸੀ। ਉਸ ਸਮੇਂ ਉਹ 78 ਸਾਲਾਂ ਦੇ ਸਨ ਅਤੇ ਸਭ ਤੋਂ ਬਜ਼ੁਰਗ ਪੋਪਾਂ ਵਿੱਚੋਂ ਇੱਕ ਸਨ।
