ਬਨਵਾਰੀਲਾਲ ਪੁਰੋਹਿਤ ਨੇ ਚੰਡੀਗੜ੍ਹ ਯੂਟੀ ਦੇ ਸਕੂਲਾਂ, ਪ੍ਰਿੰਸੀਪਲਾਂ ਅਤੇ ਅਧਿਆਪਕਾਂ ਨੂੰ ਕੀਤਾ ਸਨਮਾਨਿਤ

• ਚੰਡੀਗੜ੍ਹ ਵੈਲਫੇਅਰ ਟਰੱਸਟ ਅਤੇ ਯੂਟੀ ਪ੍ਰਸ਼ਾਸਨ ਨੇ ਸਕੂਲੀ ਸਿੱਖਿਆ ਵਿੱਚ ਇੱਕ ਵਾਰ ਫਿਰ ਸਿਖਰ ’ਤੇ ਲਿਜਾਣ ਲਈ ਮਿਲਾਇਆ ਹੱਥ
• ਦੇਸ਼ ਵਿੱਚ ਸਕੂਲੀ ਸਿੱਖਿਆ ਵਿੱਚ ਚੰਡੀਗੜ੍ਹ ਨੂੰ ਨੰਬਰ 1 ਬਣਾਉਣ ਲਈ ਚੰਡੀਗੜ੍ਹ ਵੈਲਫੇਅਰ ਟਰੱਸਟ ਅਤੇ ਯੂਟੀ ਪ੍ਰਸ਼ਾਸਨ ਤਤਪਰ,  ਕੋਸ਼ਿਸ਼ਾਂ ਜ਼ੋਰਾਂ 'ਤੇ ਹਨ
• ਚੰਡੀਗੜ੍ਹ ਨੂੰ ਮੁੜ ਨੰਬਰ 1 ਬਣਾਉਣ ਲਈ ਐਕਸਸ ਅਤੇ ਗਵਰਨੈਂਸ ਵਰਗੇ ਮਾਪਦੰਡਾਂ ਵਿੱਚ ਸੁਧਾਰ ਕਰਨ ਦੀ ਲੋੜ ਹੈ: ਸਤਨਾਮ ਸਿੰਘ ਸੰਧੂ, ਸੰਸਥਾਪਕ ਸੀ.ਡਬਲਿਊ.ਟੀ.
• ਚੰਡੀਗੜ੍ਹ ਯੂਨੀਵਰਸਿਟੀ ਦੇ ਚਾਂਸਲਰ ਨੇ ਯੂਟੀ ਪ੍ਰਿੰਸੀਪਲਾਂ ਅਤੇ ਅਧਿਆਪਕਾਂ ਲਈ ਹੁਨਰ ਵਿਕਾਸ ਲਈ ਦੋ ਸਿਖਲਾਈ ਪ੍ਰੋਗਰਾਮਾਂ ਦਾ ਐਲਾਨ ਕੀਤਾ
• ਭਾਰਤ ਦੀ ਸਿੱਖਿਆ ਪ੍ਰਣਾਲੀ ਪ੍ਰਾਚੀਨ ਕਾਲ ਤੋਂ ਹੀ ਰਹੀ ਹੈ ਮੁੱਲ-ਆਧਾਰਿਤ; ਯੂਟੀ ਪ੍ਰਸ਼ਾਸਕ ਬਨਵਾਰੀਲਾਲ ਪੁਰੋਹਿਤ

ਮੋਹਾਲੀ, 13 ਮਈ : ਚੰਡੀਗੜ੍ਹ ਵੈਲਫੇਅਰ ਟਰੱਸਟ (CWT) ਅਤੇ ਯੂਟੀ ਪ੍ਰਸ਼ਾਸਨ ਕੇਂਦਰੀ ਸਿੱਖਿਆ ਮੰਤਰਾਲੇ ਦੇ ਪਰਫਾਰਮੈਂਸ ਗਰੇਡਿੰਗ ਇੰਡੈਕਸ (PGI) ਜੋ ਕਿ ਦੇਸ਼ ਭਰ ਦੇ ਰਾਜਾਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਵਿੱਚ ਸਕੂਲੀ ਸਿੱਖਿਆ ਦੀ ਸਥਿਤੀ ਬਾਰੇ ਜਾਣਕਾਰੀ ਪ੍ਰਦਾਨ ਕਰਨ ਲਈ ਹਰ ਸਾਲ ਜਾਰੀ ਕੀਤਾ ਜਾਂਦਾ ਹੈ ਵਿੱਚ, ਚੰਡੀਗੜ੍ਹ ਨੂੰ ਇੱਕ ਵਾਰ ਫਿਰ ਆਪਣਾ ਸਿਖਰਲਾ ਸਥਾਨ ਹਾਸਲ ਕਰਨ ਲਈ ਸਾਂਝੇ ਤੌਰ 'ਤੇ ਕੰਮ ਕਰੇਗਾ। ਇਹ ਐਲਾਨ ਚੰਡੀਗੜ੍ਹ ਵੈਲਫੇਅਰ ਟਰੱਸਟ ਦੇ ਸੰਸਥਾਪਕ ਅਤੇ ਚੰਡੀਗੜ੍ਹ ਯੂਨੀਵਰਸਿਟੀ (ਸੀ.ਯੂ.) ਦੇ ਚਾਂਸਲਰ ਸਤਨਾਮ ਸਿੰਘ ਸੰਧੂ ਨੇ ਸੈਕਟਰ 26 ਸਥਿਤ ਮਹਾਤਮਾ ਗਾਂਧੀ ਸੈਂਟਰ, ਚੰਡੀਗੜ੍ਹ ਵਿਖੇ ਸੀ.ਡਬਲਿਊ.ਟੀ ਵੱਲੋਂ ਸੀ.ਯੂ ਦੇ ਸਹਿਯੋਗ ਨਾਲ ਕਰਵਾਏ ਗਏ ਪਹਿਲੇ ਚੰਡੀਗੜ੍ਹ ਸਕੂਲਜ਼ ਐਕਸੀਲੈਂਸ ਐਵਾਰਡ (ਸੀ.ਐਸ.ਈ.ਏ.) ਦੌਰਾਨ ਬੋਲਦਿਆਂ ਕੀਤਾ। ਇਹ ਸਮਾਗਮ 13 ਮਈ, ਸ਼ਨੀਵਾਰ ਨੂੰ ਕਰਵਾਇਆ ਗਿਆ ਅਤੇ ਇਸ ਵਿੱਚ ਪੰਜਾਬ ਦੇ ਰਾਜਪਾਲ ਅਤੇ ਯੂਟੀ ਪ੍ਰਸ਼ਾਸਕ ਨਵਾਰੀਲਾਲ ਪੁਰੋਹਿਤ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ। ਉਹਨਾਂ ਤੋਂ ਇਲਾਵਾ ਸ਼੍ਰੀ ਧਰਮਪਾਲ (ਆਈਏਐਸ), ਚੰਡੀਗੜ੍ਹ ਪ੍ਰਸ਼ਾਸਨ ਦੇ ਸਲਾਹਕਾਰ, ਐਚ.ਐਸ.ਬਰਾੜ, ਸਕੂਲ ਸਿੱਖਿਆ ਦੇ ਡਾਇਰੈਕਟਰ ਚੰਡੀਗੜ੍ਹ; ਬਿੰਦੂ ਅਰੋੜਾ, ਜ਼ਿਲ੍ਹਾ ਸਿੱਖਿਆ ਅਫ਼ਸਰ  ਚੰਡੀਗੜ੍ਹ ਨੇ ਵਿਸ਼ੇਸ਼ ਮਹਿਮਾਨਾਂ ਵੱਜੋਂ ਹਾਜਰੀ ਲਵਾਈ। ਇਸ ਮੌਕੇ ਚੰਡੀਗੜ੍ਹ ਵੈਲਫੇਅਰ ਟਰੱਸਟ ਦੇ ਸੰਸਥਾਪਕ ਅਤੇ ਚੰਡੀਗੜ੍ਹ ਯੂਨੀਵਰਸਿਟੀ ਘੜੂੰਆਂ ਦੇ ਚਾਂਸਲਰ ਸਰਦਾਰ ਸਤਨਾਮ ਸਿੰਘ ਸੰਧੂ ਵੀ ਹਾਜਰ ਰਹੇ।ਜਿਕਰਯੋਗ ਹੈ ਕਿ ਪਹਿਲੀ ਵਾਰ ਕਰਵਾਏ ਗਏ ਚੰਡੀਗੜ੍ਹ ਸਕੂਲ ਐਕਸੀਲੈਂਸ ਅਵਾਰਡਸ (CSEA) ਦੌਰਾਨ 21 ਸ਼੍ਰੇਣੀਆਂ ਅਧੀਨ 237 ਪੁਰਸਕਾਰ ਪ੍ਰਦਾਨ ਕੀਤੇ ਗਏ। ਜਿਹਨਾਂ ਵਿੱਚ 136 ਅਧਿਆਪਕਾਂ ਨੂੰ, 62 ਸਕੂਲਾਂ ਨੂੰ ਅਤੇ 39 ਪ੍ਰਿੰਸੀਪਲਾਂ ਨੂੰ ਸਨਮਾਨਿਤ ਕੀਤਾ ਗਿਆ।ਸਤਨਾਮ ਸਿੰਘ ਸੰਧੂ ਨੇ ਦੱਸਿਆ ਕਿ ਚੰਡੀਗੜ੍ਹ ਵਰਤਮਾਨ ਵਿੱਚ ਪ੍ਰਦਰਸ਼ਨ ਗਰੇਡਿੰਗ ਸੂਚਕਾਂਕ 2020-21 ਵਿੱਚ ਦੂਜੇ ਸਥਾਨ 'ਤੇ ਹੈ ਜਦਕਿ 2017-18, 2018-19 ਦੌਰਾਨ ਚੰਡੀਗੜ੍ਹ, ਦੇਸ਼ ਭਰ ਵਿੱਚ ਪਹਿਲੇ ਸਥਾਨ 'ਤੇ ਸੀ। ਉਹਨਾਂ ਕਿਹਾ, “ਭਾਵੇਂ ਚੰਡੀਗੜ੍ਹ ਨੇ ਪ੍ਰਦਰਸ਼ਨ ਗਰੇਡਿੰਗ ਸੂਚਕਾਂਕ ਇੰਡੈਕਸ 2020-21 ਵਿੱਚ ਆਪਣੇ ਸਕੋਰ ਵਿੱਚ (912 ਤੋਂ 927) ਸੁਧਾਰ ਕੀਤਾ ਹੈ, ਪਰ ਅਸੀਂ ਦੂਜੇ ਸਥਾਨ 'ਤੇ ਖਿਸਕ ਗਏ ਹਾਂ। ਇਸ ਤੋਂ ਇਲਾਵਾ, ਪੀਜੀਆਈ ਰੈਂਕਿੰਗ ਵਿੱਚ ਕੁਝ ਮਾਪਦੰਡਾਂ 'ਤੇ ਸਕੋਰ ਨੂੰ ਪੀਜੀਆਈ ਵਿੱਚ ਚੰਡੀਗੜ੍ਹ ਲਈ ਪਹਿਲਾ ਰੈਂਕ ਵਾਪਸ ਪ੍ਰਾਪਤ ਕਰਨ ਲਈ ਸੁਧਾਰਿਆ ਜਾ ਸਕਦਾ ਹੈ, ਜਿਸ ਲਈ ਅਸੀਂ ਯੂਟੀ ਪ੍ਰਸ਼ਾਸਨ ਨਾਲ ਮਿਲ ਕੰਮ ਕਰਾਂਗੇ। ਸਾਨੂੰ ਮਾਪਦੰਡਾਂ 'ਤੇ ਕੰਮ ਕਰਨਾ ਚਾਹੀਦਾ ਹੈ ਜਿਵੇਂ ਕਿ ਸਿੱਖਿਆ ਤੱਕ ਪਹੁੰਚ ਵਿੱਚ ਸੁਧਾਰ ਕਰਨਾ, ਇਕੁਇਟੀ ਦੀ ਪੇਸ਼ਕਸ਼ ਕਰਨਾ, ਅਤੇ ਡਿਜੀਟਲ ਤਕਨਾਲੋਜੀ ਨਾਲ ਲੈਸ ਗਵਰਨੈਂਸ ਪ੍ਰਕਿਰਿਆਵਾਂ ਨੂੰ ਪੇਸ਼ ਕਰਨਾ ਆਦਿ।ਸਤਨਾਮ ਸਿੰਘ ਸੰਧੂ, ਨੇ ਕਿਹਾ, “ਚੰਡੀਗੜ੍ਹ ਸ਼ਹਿਰ ਨੂੰ ਹਮੇਸ਼ਾ ਉੱਤਰੀ ਭਾਰਤ ਦੇ ਸਿੱਖਿਆ ਕੇਂਦਰ ਵਜੋਂ ਜਾਣਿਆ ਜਾਂਦਾ ਹੈ ਅਤੇ ਇਸ ਵਿੱਚ ਪੀਜੀਆਈਐਮਈਆਰ, ਪੰਜਾਬ ਯੂਨੀਵਰਸਿਟੀ (ਪੀਯੂ), ਪੈੱਕ, ਸਰਕਾਰੀ ਮੈਡੀਕਲ ਕਾਲਜ, ਆਰਕੀਟੈਕਚਰ ਕਾਲਜ ਅਤੇ ਫਾਈਨ ਆਰਟਸ ਕਾਲਜ ਵਰਗੀਆਂ ਵਿਸ਼ਵ ਪੱਧਰੀ ਸੰਸਥਾਵਾਂ ਹਨ। ਪ੍ਰਦਰਸ਼ਨ ਗਰੇਡਿੰਗ ਸੂਚਕਾਂਕ ਵਿੱਚ ਚੋਟੀ ਦਾ ਸਥਾਨ ਬਰਕਰਾਰ ਰੱਖਣਾ ਸਾਡੇ ਸਾਰਿਆਂ ਲਈ ਬਰਾਬਰ ਮਹੱਤਵਪੂਰਨ ਹੈ। ”ਇਸ ਮੌਕੇ ਸਤਨਾਮ ਸਿੰਘ ਸੰਧੂ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਚੰਡੀਗੜ੍ਹ ਸਿੱਖਿਆ ਦੇ ਖੇਤਰ ਵਿੱਚ ਹਮੇਸ਼ਾ ਅੱਗੇ ਰਿਹਾ ਹੈ। “ਸ਼ਹਿਰ ਨੇ ਮਿਆਰੀ ਸਿੱਖਿਆ ਦੇ ਕਾਰਨ ਵੱਖ-ਵੱਖ ਖੇਤਰਾਂ ਵਿੱਚ ਕਈ ਨਾਮਵਰ ਸ਼ਖਸੀਅਤਾਂ ਪੈਦਾ ਕੀਤੀਆਂ ਹਨ, ਜਿਨ੍ਹਾਂ ਵਿੱਚ ਦੋ ਪ੍ਰਧਾਨ ਮੰਤਰੀ, ਚੀਫ਼ ਜਸਟਿਸ ਆਦਿ ਸ਼ਾਮਲ ਹਨ। ਇਹ ਭਾਰਤ ਦਾ ਇਕਲੌਤਾ ਸ਼ਹਿਰ ਹੈ ਜਿੱਥੇ ਸਰਕਾਰੀ ਸਕੂਲਾਂ ਵਿੱਚ ਸਿੱਖਿਆ ਦਾ ਪੱਧਰ ਪ੍ਰਾਈਵੇਟ ਸਕੂਲਾਂ ਦੇ ਬਰਾਬਰ ਹੈ”।ਸੀਬੀਐਸਈ ਦੁਆਰਾ ਸ਼ੁੱਕਰਵਾਰ ਨੂੰ ਘੋਸ਼ਿਤ 10ਵੀਂ ਅਤੇ 12ਵੀਂ ਜਮਾਤ ਦੇ ਤਾਜ਼ਾ ਨਤੀਜਿਆਂ ਬਾਰੇ ਸਤਨਾਮ ਸਿੰਘ ਸੰਧੂ ਨੇ ਕਿਹਾ ਕਿ ਭਾਵੇਂ ਚੰਡੀਗੜ੍ਹ ਨੇ ਇਸ ਖੇਤਰ ਵਿੱਚ ਬਹੁਤ ਵਧੀਆ ਪ੍ਰਦਰਸ਼ਨ ਕੀਤਾ ਹੈ, ਪਰ ਅਜੇ ਵੀ ਕੁਝ ਖੇਤਰ ਹਨ ਜਿਨ੍ਹਾਂ ਵਿੱਚ ਸੁਧਾਰ ਦੀ ਲੋੜ ਹੈ। “ਨਤੀਜਿਆਂ ਵਿੱਚ 10ਵੀਂ ਅਤੇ 12ਵੀਂ ਜਮਾਤ ਵਿੱਚ ਪਾਸ ਪ੍ਰਤੀਸ਼ਤਤਾ ਵਿੱਚ ਗਿਰਾਵਟ ਦਰਜ ਕੀਤੀ ਗਈ ਹੈ। ਸੀਬੀਐਸਈ ਦੁਆਰਾ ਘੋਸ਼ਿਤ ਨਤੀਜਿਆਂ ਅਨੁਸਾਰ, 2022 ਵਿੱਚ 92.87% ਦੇ ਮੁਕਾਬਲੇ ਇਸ ਸਾਲ ਜਮਾਤ-12 ਦੀ ਪਾਸ ਪ੍ਰਤੀਸ਼ਤਤਾ ਘਟ ਕੇ 86.4% ਹੋ ਗਈ ਹੈ। ਇਸੇ ਤਰ੍ਹਾਂ, 10ਵੀਂ ਜਮਾਤ ਦੀ ਪਾਸ ਪ੍ਰਤੀਸ਼ਤਤਾ ਵੀ 82.42% ਤੋਂ ਘਟ ਕੇ 80.86% ਰਹਿ ਗਈ।ਸਤਨਾਮ ਸਿੰਘ ਸੰਧੂ ਨੇ ਇਸ ਮੌਕੇ ਸਕੂਲ ਦੇ ਪ੍ਰਿੰਸੀਪਲਾਂ ਅਤੇ ਅਧਿਆਪਕਾਂ ਲਈ ਅਧਿਆਪਨ-ਸਿਖਲਾਈ, ਖਾਸ ਤੌਰ ‘ਤੇ ਉਚੇਰੀ ਸਿੱਖਿਆ, ਜਿਵੇਂ ਕਿ ਪੀ.ਐਚ.ਡੀ. ਅਤੇ ਖੋਜ ਦੇ ਨਵੇਂ ਯੁੱਗ ਦੇ ਹੁਨਰ ਨੂੰ ਸਿਖਾਉਣ ਲਈ ਦੋ ਨਵੇਂ ਸਰਟੀਫਿਕੇਟ ਕੋਰਸਾਂ ਦਾ ਐਲਾਨ ਕੀਤਾ। ਜਦੋਂ ਕਿ ਪ੍ਰਿੰਸੀਪਲਾਂ ਲਈ ਲੀਡਰਸ਼ਿਪ ਅਤੇ ਸਿਖਲਾਈ ਕੋਰਸ ਚਲਾਇਆ ਜਾਵੇਗਾ।ਸਤਨਾਮ ਸਿੰਘ ਸੰਧੂ ਨੇ ਕਿਹਾ, “ਚੰਡੀਗੜ੍ਹ ਯੂਨੀਵਰਸਿਟੀ ਵੱਲੋਂ ਪ੍ਰਿੰਸੀਪਲਾਂ ਅਤੇ ਅਧਿਆਪਕਾਂ ਨੂੰ ਉਨ੍ਹਾਂ ਦੇ ਹੁਨਰ ਨੂੰ ਬਿਹਤਰ ਬਣਾਉਣ ਅਤੇ ਨਵੇਂ ਯੁੱਗ ਦੇ ਅਧਿਆਪਨ-ਸਿਖਾਉਣ ਦੀ ਸਿੱਖਿਆ ਪ੍ਰਦਾਨ ਕਰਨ ਲਈ ਦੋ ਕੋਰਸ ਮੁਫਤ ਦਿੱਤੇ ਜਾਣਗੇ।” ਉਨ੍ਹਾਂ ਕਿਹਾ ਕਿ ਚੰਡੀਗੜ੍ਹ ਯੂਨੀਵਰਸਿਟੀ ਸਕੂਲ ਦੇ ਅਧਿਆਪਕਾਂ ਨੂੰ ਵਜ਼ੀਫੇ ਵੀ ਪ੍ਰਦਾਨ ਕਰੇਗੀ। ਉਹਨਾਂ ਦੱਸਿਆ ਕਿ ਪਿਛਲੇ ਸਾਲ ਦੀ ਰੈਂਕਿੰਗ ਦੌਰਾਨ ਚੰਡੀਗੜ੍ਹ ਨੇ ਲਰਨਿੰਗ ਆਊਟਕਮਸ ਵਿੱਚ 180 ਵਿੱਚੋਂ 160, ਐਕਸੈਸ ਵਿੱਚ 80 ਵਿੱਚੋਂ 74, ਬੁਨਿਆਦੀ ਢਾਂਚੇ ਅਤੇ ਸਹੂਲਤਾਂ ਵਿੱਚ 150 ਵਿੱਚੋਂ 149, ਇਕੁਇਟੀ ਵਿੱਚ 230 ਵਿੱਚੋਂ 221 ਅਤੇ ਗਵਰਨੈਂਸ ਵਿੱਚ 360 ਵਿੱਚੋਂ 323 ਸਕੋਰ ਹਾਸਿਲ ਕੀਤੇ ਸਨ। ਹਾਲਾਂਕਿ ਸਕੋਰਾਂ ਵਿੱਚ ਪਿਛਲੇ ਸਾਲ ਦੀ ਦਰਜਾਬੰਦੀ ਨਾਲੋਂ ਸੁਧਾਰ ਦੇਖਿਆ ਗਿਆ ਹੈ, ਪਰ ਅਜੇ ਵੀ ਐਕਸੈਸ, ਇਕੁਇਟੀ, ਅਤੇ ਗਵਰਨੈਂਸ ਵਰਗੇ ਮਾਪਦੰਡਾਂ ਵਿੱਚ ਸੁਧਾਰ ਦੀ ਗੁੰਜਾਇਸ਼ ਹੈ।ਸਤਨਾਮ ਸਿੰਘ ਸੰਧੂ ਨੇ ਅੱਗੇ ਕਿਹਾ, “ ਐਨਈਪੀ ਨੇ ਦੇਸ਼ ਦੇ ਸਿੱਖਿਆ ਦੇ ਪੱਧਰ ਨੂੰ ਸੁਧਾਰਨ ਵਿੱਚ ਸਕਾਰਾਤਮਕ ਪ੍ਰਭਾਵ ਪਾਇਆ ਹੈ। 2020-21 ਦੇ ਮੁਕਾਬਲੇ ਸਕੂਲੀ ਸਿੱਖਿਆ ਦੇ ਪ੍ਰਾਇਮਰੀ, ਅਪਰ ਪ੍ਰਾਇਮਰੀ ਅਤੇ ਹਾਇਰ ਸੈਕੰਡਰੀ ਪੱਧਰਾਂ 'ਤੇ 2021-22 ਵਿੱਚ ਕੁੱਲ ਦਾਖਲਾ ਅਨੁਪਾਤ (GER) ਵਿੱਚ ਸੁਧਾਰ ਹੋਇਆ ਹੈ। ਖਾਸ ਤੌਰ 'ਤੇ, ਉੱਚ ਸੈਕੰਡਰੀ ਵਿੱਚ ਕੁੱਲ ਦਾਖਲਾ ਅਨੁਪਾਤ ਨੇ 2021-21 ਵਿੱਚ 53.8% ਤੋਂ 2021-22 ਵਿੱਚ 57.6% ਤੱਕ ਮਹੱਤਵਪੂਰਨ ਸੁਧਾਰ ਕੀਤਾ ਹੈ।ਉਹਨਾਂ ਅੱਗੇ ਕਿਹਾ, "2020-21 ਵਿੱਚ 21.91 ਲੱਖ ਦੇ ਮੁਕਾਬਲੇ 2021-22 ਵਿੱਚ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਦਾ ਕੁੱਲ ਦਾਖਲਾ ਅਨੁਪਾਤ 22.67 ਲੱਖ ਹੈ, ਜਿਸ ਵਿੱਚ ਕਿ 2020-21 ਦੇ ਮੁਕਾਬਲੇ 3.45% ਦਾ ਸੁਧਾਰ ਹੋਇਆ ਹੈ।" ਪੰਜਾਬ ਦੇ ਮਾਨਯੋਗ ਰਾਜਪਾਲ ਅਤੇ ਯੂ.ਟੀ. ਪ੍ਰਸ਼ਾਸਕ ਸ੍ਰੀ ਬਨਵਾਰੀਲਾਲ ਪੁਰੋਹਿਤ ਨੇ ਚੰਡੀਗੜ੍ਹ ਸਕੂਲ ਐਕਸੀਲੈਂਸ ਐਵਾਰਡਜ਼ ਦੀ ਸਥਾਪਨਾ ਲਈ ਚੰਡੀਗੜ੍ਹ ਵੈਲਫੇਅਰ ਟਰੱਸਟ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਚੰਡੀਗੜ੍ਹ ਸਕੂਲ ਐਕਸੀਲੈਂਸ ਐਵਾਰਡਸ ਨਾਲ ਸਰਵੋਤਮ ਸਕੂਲਾਂ, ਅਧਿਆਪਕਾਂ ਅਤੇ ਪ੍ਰਿੰਸੀਪਲਾਂ ਦੇ ਯੋਗਦਾਨ ਨੂੰ ਪਛਾਣਨ ਵਿੱਚ ਮਦਦ ਮਿਲੇਗੀ। ਉਨ੍ਹਾਂ ਨੇ ਸ਼ਹਿਰ ਦੇ ਸਕੂਲਾਂ ਦੇ ਅਧਿਆਪਕਾਂ ਅਤੇ ਪ੍ਰਿੰਸੀਪਲਾਂ ਦੇ ਹੁਨਰ ਨੂੰ ਅਪਗ੍ਰੇਡ ਕਰਨ ਲਈ ਦੋ ਸਰਟੀਫਿਕੇਟ ਕੋਰਸਾਂ ਦਾ ਐਲਾਨ ਕਰਨ ਲਈ ਸੀਡਬਲਯੂਟੀ ਅਤੇ ਸੀਯੂ ਦੀ ਵੀ ਸ਼ਲਾਘਾ ਕੀਤੀ।ਬਨਵਾਰੀਲਾਲ ਪੁਰੋਹਿਤ ਨੇ ਸਾਰੇ ਪੁਰਸਕਾਰ ਜੇਤੂਆਂ ਨੂੰ ਆਪਣੀ ਨਿੱਘੀ ਵਧਾਈ ਦਿੱਤੀ ਅਤੇ ਇਸ ਪ੍ਰੋਗਰਾਮ ਨੂੰ ਚੰਡੀਗੜ੍ਹ ਵਿੱਚ ਯੂਟੀ ਦੇ ਜਨਤਕ ਅਤੇ ਨਿੱਜੀ ਖੇਤਰਾਂ ਵਿੱਚੋਂ ਇਹਨਾਂ ਬੇਮਿਸਾਲ ਵਿਅਕਤੀਆਂ ਅਤੇ ਵਿਦਿਅਕ ਸੰਸਥਾਵਾਂ ਦੁਆਰਾ ਪ੍ਰਦਰਸ਼ਿਤ ਕੀਤੀਆਂ ਸ਼ਾਨਦਾਰ ਪ੍ਰਾਪਤੀਆਂ ਅਤੇ ਅਟੁੱਟ ਸਮਰਪਣ ਦਾ ਜਸ਼ਨ ਕਰਾਰ ਦਿੱਤਾ।ਬਨਵਾਰੀਲਾਲ ਪੁਰੋਹਿਤ ਨੇ ਕਿਹਾ, "ਸਾਨੂੰ ਆਪਣੇ ਮਹਾਨ ਸੱਭਿਆਚਾਰ 'ਤੇ ਮਾਣ ਹੋਣਾ ਚਾਹੀਦਾ ਹੈ। ਵੇਦਾਂ ਦੇ ਸਮੇਂ ਤੋਂ ਹੀ ਭਾਰਤ ਵਿੱਚ ਸਿੱਖਿਆ ਦਾ ਮੁੱਲ ਅਤੇ ਇਸਦੀ ਮਹੱਤਤਾ ਦੀ ਕਦਰ ਕੀਤੀ ਜਾਂਦੀ ਰਹੀ ਹੈ। ਅਧਿਆਪਕਾਂ ਦਾ ਸਤਿਕਾਰ ਕਰਨਾ ਸਾਡੇ ਅਮੀਰ ਸੱਭਿਆਚਾਰ ਦਾ ਹਿੱਸਾ ਹੈ। ਸਿੱਖਿਆ ਪ੍ਰਾਚੀਨ ਕਾਲ ਤੋਂ ਹੀ ਸਾਡੇ ਸੱਭਿਆਚਾਰ ਅਤੇ ਸਮਾਜ ਦਾ ਅਹਿਮ ਹਿੱਸਾ ਰਹੀ ਹੈ, ਜਿਸ ਅਧੀਨ ਸਭ ਬਰਾਬਰ ਹੁੰਦੇ ਹਨ। ਬਨਵਾਰੀਲਾਲ ਪੁਰੋਹਿਤ ਨੇ ਕਿਹਾ, "ਇਹ ਚੰਡੀਗੜ੍ਹ ਸਕੂਲ ਦੇ ਐਕਸੀਲੈਂਸ ਅਵਾਰਡਾਂ ਦਾ ਪਹਿਲਾ ਐਡੀਸ਼ਨ ਹੈ ਜਿਸ ਵਿੱਚ ਪੂਰੇ ਚੰਡੀਗੜ੍ਹ ਦੇ 200 ਤੋਂ ਵੱਧ ਸਕੂਲਾਂ ਨੇ ਭਾਗ ਲਿਆ ਹੈ। ਵਿਦਿਆਰਥੀਆਂ ਦੀ 100% ਪ੍ਰਾਪਤੀ ਦੀ ਲਾਲਸਾ ਨੂੰ ਸਾਕਾਰ ਕਰਨ ਲਈ ਸਕੂਲਾਂ ਨੂੰ ਇੱਕ ਪ੍ਰਮੁੱਖ ਭੂਮਿਕਾ ਨਿਭਾਉਣੀ ਚਾਹੀਦੀ ਹੈ ਤਾਂ ਜੋ ਸਿੱਖਿਆ ਦਾ ਤੋਹਫ਼ਾ ਦੇਸ਼ ਦੇ ਹਰ ਬੱਚੇ ਤੱਕ ਪਹੁੰਚ ਸਕੇ।ਉਹਨਾਂ ਅੱਗੇ ਕਿਹਾ, “ਸਕੂਲ ਨਾਮਾਂਕਣ ਅਨੁਪਾਤ ਨੂੰ ਸੁਧਾਰਨ ਵਿੱਚ ਸਕੂਲਾਂ ਦਾ ਯੋਗਦਾਨ ਬਹੁਤ ਮਹੱਤਵਪੂਰਨ ਹੈ ਅਤੇ ਇਸ ਨੂੰ ਨਜ਼ਰਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ। ਨਵੀਂ ਸਿੱਖਿਆ ਨੀਤੀ ਦੀ ਸ਼ਲਾਘਾ ਕਰਦਿਆਂ ਉਨ੍ਹਾਂ ਕਿਹਾ ਕਿ ਇਸ ਰਾਹੀਂ ਵਿਦਿਆਰਥੀਆਂ ਨੂੰ ਕਈ ਵਿਕਲਪ ਮਿਲੇ ਹਨ ਜਿਨ੍ਹਾਂ ਰਾਹੀਂ ਉਹ ਆਪਣੀ ਪੜ੍ਹਾਈ ਜਾਰੀ ਰੱਖ ਸਕਦੇ ਹਨ। ਇਸ ਦੌਰਾਨ ਯੂਟੀ ਦੇ ਸਲਾਹਕਾਰ, ਧਰਮਪਾਲ ਨੇ ਕਿਹਾ ਕਿ ਕਿਸੇ ਵੀ ਰਾਸ਼ਟਰ ਦੇ ਵਿਕਾਸ ਲਈ ਸਿੱਖਿਆ ਇੱਕ ਮਹੱਤਵਪੂਰਨ ਕਾਰਕ ਹੈ। “ਸਾਡਾ ਦੇਸ਼ ਬੁਨਿਆਦੀ ਢਾਂਚੇ, ਖੋਜ ਅਤੇ ਸਿੱਖਿਆ ਦੇ ਵਿਕਾਸ ਵਿੱਚ ਤਰੱਕੀ ਕਰ ਰਿਹਾ ਹੈ। ਅਸੀਂ ਭਾਰਤ ਨੂੰ ਨਿਵੇਸ਼ ਲਈ ਇੱਕ ਤਰਜੀਹੀ ਮੰਜ਼ਿਲ ਬਣਾਉਣ ਲਈ ਕੰਮ ਕਰ ਰਹੇ ਹਾਂ ਅਤੇ ਮਿਆਰੀ ਸਿੱਖਿਆ ਇਸ ਪਹਿਲਕਦਮੀ ਦਾ ਅਨਿੱਖੜਵਾਂ ਅੰਗ ਹੈ। ਭਾਰਤ ਹਮੇਸ਼ਾ ਹੀ ਮਿਆਰੀ ਸਿੱਖਿਆ ਪ੍ਰਦਾਨ ਕਰਨ ਲਈ ਪ੍ਰਸਿੱਧ ਰਿਹਾ ਹੈ। ਸਾਡਾ ਸਿੱਖਿਆ ਵਿਭਾਗ ਸਰਕਾਰੀ ਸਕੂਲਾਂ ਵਿੱਚ ਬਾਲ ਵਾਟਿਕਾ ਨੂੰ ਵਧਾਉਣ ਲਈ ਆਪਣੇ ਆਪ ਨੂੰ ਲੈਸ ਕਰ ਰਿਹਾ ਹੈ ਜੋ ਨਿਸ਼ਚਿਤ ਤੌਰ 'ਤੇ ਬਚਪਨ ਦੀ ਦੇਖਭਾਲ, ਡਿਜ਼ੀਟਲ ਹੁਨਰਾਂ ਨੂੰ ਵਿਕਸਿਤ ਕਰਨਣਗੇ। ਤਕਨਾਲੋਜੀ ਦੀ ਵਰਤੋਂ ਸਿੱਖਿਆ ਦੇ ਭਵਿੱਖ ਨੂੰ ਰੂਪ ਦੇ ਰਹੀ ਹੈ। ਉਹਨਾਂ ਅੱਗੇ ਦੱਸਿਆ ਕਿ ਉਹਨਾਂ ਨੇ ਹਾਲ ਹੀ ਵਿੱਚ 56 ਸਰਕਾਰੀ ਸਕੂਲਾਂ ਵਿੱਚ ਆਈਸੀਟੀ ਸਹੂਲਤਾਂ ਨੂੰ ਅਪਗ੍ਰੇਡ ਕੀਤਾ ਹੈ ਅਤੇ ਸਰਕਾਰੀ ਸਕੂਲਾਂ ਵਿੱਚ 201 ਸਮਾਰਟ ਕਲਾਸਰੂਮ ਵੀ ਸਥਾਪਿਤ ਕੀਤੇ ਹਨ।ਇਹਨਾਂ ਸ਼੍ਰੇਣੀਆਂ ਵਿੱਚ ਪ੍ਰਿੰਸੀਪਲਾਂ ਦੇ ਪੁਰਸਕਾਰਾਂ ਦੀਆਂ 4 ਸ਼੍ਰੇਣੀਆਂ (ਲਾਈਫਟਾਈਮ ਅਚੀਵਮੈਂਟ ਅਵਾਰਡ, ਸਰਬੋਤਮ ਲੀਡਰਸ਼ਿਪ ਅਵਾਰਡ, ਬੈਸਟ ਯੰਗ ਪ੍ਰਿੰਸੀਪਲ ਅਵਾਰਡ, ਨਵੀਂ ਸਿੱਖਿਆ ਨੀਤੀ ਪਹਿਲਕਦਮੀਆਂ ਨੂੰ ਅਪਣਾਉਣ ਲਈ ਸਰਬੋਤਮ ਪ੍ਰਿੰਸੀਪਲ), ਅਧਿਆਪਕਾਂ ਦੇ ਪੁਰਸਕਾਰਾਂ ਦੀਆਂ 7 ਸ਼੍ਰੇਣੀਆਂ (ਸਰਵੋਤਮ ਈ-ਗੁਰੂ ਅਵਾਰਡ, ਸਰਬੋਤਮ ਜਾਇਜ਼ ਅਧਿਆਪਕ ਅਵਾਰਡ, ਸਰਵੋਤਮ ਨਵੀਨਤਾਕਾਰੀ ਅਧਿਆਪਨ ਅਭਿਆਸਾਂ ਲਈ ਆਤਮਨਿਰਭਰ ਅਵਾਰਡ, ਐਸ ਰਾਧਾਕ੍ਰਿਸ਼ਨਨ ਸਰਵੋਤਮ ਅਧਿਆਪਕ ਪੁਰਸਕਾਰ, ਸਰਵੋਤਮ ਚੇਂਜਮੇਕਰਸ ਲਈ ਸਵੈ-ਨਿਰਭਰ ਅਧਿਆਪਕ ਅਵਾਰਡ, ਬੈਸਟ ਕਲਾਸ ਮੈਂਟਰ ਅਵਾਰਡ, ਸੰਸਥਾਨ ਦੀ ਉਸਾਰੀ ਵਿੱਚ ਸ਼ਾਨਦਾਰ ਭੂਮਿਕਾ ਵਾਲਾ ਸਰਵੋਤਮ ਅਧਿਆਪਕ), ਅਤੇ ਸਕੂਲ ਦੇ ਪੁਰਸਕਾਰਾਂ ਦੀਆਂ 10 ਸ਼੍ਰੇਣੀਆਂ (ਸਰਵੋਤਮ ਡਿਜੀਟਲ ਸਕੂਲ ਅਵਾਰਡ, ਬੈਸਟ ਗ੍ਰੀਨ ਸਕੂਲ ਅਵਾਰਡ, ਖੇਡਾਂ ਵਿੱਚ ਸਰਵੋਤਮ ਯੋਗਦਾਨ ਲਈ ਪੁਰਸਕਾਰ, ਸਭ ਤੋਂ ਵੱਧ ਅਕਾਦਮਿਕ ਪ੍ਰਾਪਤੀਆਂ ਲਈ ਅਵਾਰਡ, ਵਧੀਆ ਅਧਿਆਪਨ ਅਭਿਆਸਾਂ ਵਾਲੇ ਸਕੂਲ ਲਈ ਅਵਾਰਡ, ਕਮਿਊਨਿਟੀ ਆਊਟਰੀਚ ਗਤੀਵਿਧੀਆਂ ਵਿੱਚ ਸਰਵੋਤਮ ਸਕੂਲ, ਆਰਟ ਆਰਕੀਟੈਕਚਰ ਦਾ ਸਰਵੋਤਮ ਸਟੇਟ ਅਵਾਰਡ, ਕਲਾ ਅਤੇ ਸੱਭਿਆਚਾਰ ਵਿੱਚ ਸਰਵੋਤਮ ਯੋਗਦਾਨ ਲਈ ਪੁਰਸਕਾਰ, ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਲਈ ਵਧੀਆ ਸਕੂਲ, ਨਵੀਂ ਸਿੱਖਿਆ ਨੀਤੀ ਪਹਿਲਕਦਮੀਆਂ ਨੂੰ ਅਪਣਾਉਣ ਲਈ ਸਭ ਤੋਂ ਵਧੀਆ ਸਕੂਲ) ਸ਼ਾਮਲ ਹਨ।ਦੱਸਣਯੋਗ ਹੈ ਕਿ ਹੁਣ ਤੋਂ ਸੀਡਬਲਿਊਟੀ ਅਤੇ ਸੀਯੂ ਇਹ ਅਵਾਰਡ ਸਮਾਰੋਹ ਹਰ ਸਾਲ ਕਰਵਾਉਣਗੇ। ਜਿਸਦਾ ਮੁੱਖ ਉਦੇਸ਼  ਸਕੂਲਾਂ ਨੂੰ ਉਹਨਾਂ ਦੇ ਸਬੰਧਤ ਖੇਤਰਾਂ ਵਿੱਚ ਹੋਰ ਉੱਤਮਤਾ ਹਾਸਲ ਕਰਨ ਲਈ ਉਤਸ਼ਾਹਿਤ ਕਰਨਾ ਹੈ।