ਮੁੱਲਾਂਪੁਰ ਦਾਖਾ, 17 ਮਈ (ਸਤਵਿੰਦਰ ਸਿੰਘ ਗਿੱਲ) : ਅੱਜ ਸਵੇਰੇ ਤੜਕੇ ਪਿੰਡ ਸਵੱਦੀ ਕਲਾਂ ਦੇ ਲੋਕਾਂ ਨੂੰ ਉਸ ਸਮੇਂ ਹੈਰਾਨੀ ਹੋਈ ਜਦੋਂ ਸੜਕ ਕਿਨਾਰੇ ਟਾਹਲੀ ਨਾਲ ਫਾਹਾ ਲੈ ਕੇ ਇਕ ਪ੍ਰਵਾਸੀ ਮਜ਼ਦੂਰ ਨੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰ ਲਈ। ਪਿੰਡ ਸਵੱਦੀ ਕਲਾਂ ਦੇ ਸਰਪੰਚ ਲਾਲ ਸਿੰਘ ਅਤੇ ਪੰਚ ਤਰਲੋਕ ਸਿੰਘ ਨੇ ਸਵੇਰੇ ਚੌਂਕੀ ਭੂੰਦੜੀ ਫੋਨ ਕਰਕੇ ਇਹਤਲਾਹ ਦਿੱਤੀ ਕਿ ਸਵੱਦੀ ਕਲਾਂ ਠੇਕੇ ਦੇ ਨਜਦੀਕ ਸੜਕ ਕਿਨਾਰੇ ਕਿਸੇ ਅਨਜਾਣ ਵਿਆਕਤੀ ਨੇ ਫਾਹਾ ਲੈ ਲਿਆ ਹੈ,ਜਿਸਦੀ ਲਾਸ਼ ਟਾਹਲੀ ਨਾਲ ਲਟਕ ਰਹੀ ਹੈ। ਉਸ ਤੋ ਤੁਰੰਤ ਬਾਅਦ ਚੌਂਕੀ ਭੂੰਦੜੀ ਦੇ ਇੰਚਾਰਜ ਦਲਜੀਤ ਸਿੰਘ ਤੇ ਐਸ ਐਚ ਓ ਸਿੱਧਵਾਂ ਬੇਟ ਕਰਮਜੀਤ ਸਿੰਘ ਮੌਕੇ ਤੇ ਪਹੁੰਚੇ। ਜਦੋਂ ਪਿੰਡ ਵਾਸੀਆਂ ਦੀ ਹਾਜਰੀ ਵਿੱਚ ਪੁਲਸ ਨੇ ਉਕਤ ਵਿਅਕਤੀ ਦੀ ਤਲਾਸ਼ੀ ਲਈ ਤਾਂ ਉਸ ਦੇ ਪਰਸ ਵਿੱਚੋ ਇੱਕ ਅਧਾਰ ਕਾਰਡ ਮਿਲਿਆ ਜਿਸ ਤੇ ਹਰਿਆਣੇ ਦਾ ਐਡਰੈੱਸ ਲਿਖਿਆ ਸੀ। ਪੁਲਸ ਨੇ ਸਵੱਦੀ ਕਲਾਂ ਦੀ ਪੰਚਾਇਤ ਦੀ ਹਾਜ਼ਰੀ ਚ ਇਸ ਵਿਆਕਤੀ ਦੀ ਤਲਾਸ਼ੀ ਲਈ ਤਾਂ ਉਸ ਕੋਲੋ ਕੋਈ ਪੈਸਾ ਵਗੈਰਾ ਨਹੀਂ ਮਿਲਿਆ ਜਦਕਿ ਇਕ ਮੋਬਾਈਲ ਜਰੂਰ ਮਿਲਿਆ ਜਿਸ ਵਿੱਚ ਸਿਮ ਨਹੀਂ ਸੀ। ਮਿਰਤਕ ਵਿਆਕਤੀ ਦਾ ਗੋਪਾਲ ਹੈ ਜਿਸਦੀ ਉਮਰ ਕਰੀਬ 45 ਸਾਲ ਹੈ। ਪੁਲਸ ਨੇ ਫਾਹਾ ਲੈਣ ਵਾਲੇ ਵਿਆਕਤੀ ਦੀ ਲਾਸ਼ ਸਿਵਲ ਹਸਪਤਾਲ ਜਗਰਾਓ ਭੇਜ ਦਿੱਤੀ ਹੈ । ਚੌਂਕੀ ਇੰਚਾਰਜ ਦਲਜੀਤ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ 174 ਦੀ ਕਾਰਵਾਈ ਅਮਲ ਵਿੱਚ ਲਿਆਂਦੀ ਜਾਵੇਗੀ ਉਪਰੰਤ ਲਾਸ਼ ਵਾਰਸਾਂ ਦੇ ਹਵਾਲੇ ਕਰ ਦਿੱਤੀ ਜਾਵੇਗੀ।
