ਯੂਨਾਈਟਿਡ ਸਿੱਖਸ ਨੇ ਟੈਕਸਾਸ ਸਟੇਟ ਕੈਪੀਟਲ ਵਿਖੇ ਵਿਸਾਖੀ ਨੂੰ ਮਾਨਤਾ ਦੇਣ ਦੀ ਕੀਤੀ ਸ਼ਲਾਘਾ

• ਵੈਸਾਖੀ ਨੂੰ ਟੈਕਸਾਸ ਸਟੇਟ ਕੈਪੀਟਲ ਵਿੱਚ ਮਾਨਤਾ ਮਿਲੀ
• ਟੈਕਸਾਸ ਕੈਪੀਟਲ ਆਸਟਿਨ ਵਿਖੇ ਸਿੱਖਾਂ ਦੀ ਸ਼ਲਾਘਾ, ਪ੍ਰਸ਼ੰਸਾ ਤੇ ਸਨਮਾਨ
• ਟੈਕਸਾਸ ਕੈਪੀਟਲ ਵਿੱਚ ਸਿੱਖਾਂ ਦੇ ਯੋਗਦਾਨ, ਵਿਸ਼ਵਾਸ ਤੇ ਪ੍ਰਭੂਸੱਤਾ ਨੂੰ ਮਾਨਤਾ ਦੇਣ ਵਾਲੇ ਵਿਸਾਖੀ ਦੇ ਮਤੇ ਦੀ ਗੂੰਜ

ਟੈਕਸਾਸ, 18 ਅਪ੍ਰੈਲ : ਟੈਕਸਾਸ ਸਟੇਟ ਕੈਪੀਟਲ ਵਿਖੇ ਵਿਸਾਖੀ ਦੇ ਐਲਾਨ ਤੋਂ ਬਾਅਦ ਪ੍ਰੈੱਸ ਕਾਨਫਰੰਸ ਦੌਰਾਨ ਪੇਸ਼ਕਾਰੀ ਦਿੱਤੀ ਗਈ। ਇਹ ਇੱਕ ਇਤਿਹਾਸਕ ਪਲ ਸੀ, ਕਿਉਂਕਿ ਇਹ ਪਹਿਲੀ ਵਾਰ ਸੀ ਕਿ ਸਿੱਖ ਮਹਿਮਾਨਾਂ ਦਾ ਇਸ ਤਰ੍ਹਾਂ ਸਨਮਾਨ ਕੀਤਾ ਗਿਆ। ਇਸ ਇਤਿਹਾਸਕ ਘਟਨਾ ਦੇ ਗਵਾਹ ਬਣਨ ਲਈ, ਸਿੱਖਾਂ ਨੂੰ ਨਿੱਜੀ ਤੌਰ 'ਤੇ ਗੈਲਰੀ ਵਿੱਚ ਬੁਲਾਇਆ ਗਿਆ ਸੀ। ਉਨ੍ਹਾਂ ਘੋਸ਼ਣਾ ਪੱਤਰ ਪੜ੍ਹਦਿਆਂ, ਵਿਸਾਖੀ ਦੀ ਮਹੱਤਤਾ ਤੇ ਇਸ ਤੋਂ ਬਾਅਦ ਵਿਧਾਨ ਸਭਾ ਦੁਆਰਾ ਖੜ੍ਹੇ ਹੋ ਕੇ ਤਾੜੀਆਂ ਮਾਰਦੇ ਹੋਏ ਦੇਖਿਆ। ਅਜਿਹੀਆਂ ਘਟਨਾਵਾਂ ਇੱਕ ਸਕਾਰਾਤਮਕ ਮਾਹੌਲ ਬਣਾਉਂਦੀਆਂ ਹਨ ਤੇ ਸਾਡੇ ਬੱਚਿਆਂ ਲਈ ਇੱਕ ਮਜ਼ਬੂਤ ​​ਅਤੇ ਜੀਵੰਤ ਭਵਿੱਖ ਲਈ ਰਾਹ ਪੱਧਰਾ ਕਰਦੀਆਂ ਹਨ।  ਇਹ ਸਿੱਖ ਧਰਮ ਦੇ ਨਿਵੇਕਲੇ ਤੇ ਪ੍ਰਭੂਸੱਤਾ ਸਿਧਾਂਤਾਂ ਦੇ ਅਨੁਸਾਰ ਹੈ। ਯੂਨਾਈਟਿਡ ਸਿੱਖਸ ਦੇ ਇੱਕ ਡਾਇਰੈਕਟਰ ਨੇ ਉਨ੍ਹਾਂ ਲੋਕਾਂ ਦਾ ਧੰਨਵਾਦ ਕੀਤਾ ਹੈ, ਜਿਨ੍ਹਾਂ ਨੇ ਪਹਿਲਕਦਮੀ ਕੀਤੀ ਅਤੇ ਮਾਨਤਾ ਦੇ ਇਸ ਫੈਸਲੇ ਦਾ ਐਲਾਨ ਕਰਨ ਲਈ ਕੰਮ ਕੀਤਾ। ਇਸ ਮੌਕੇ ਡੱਲਾਸ, ਹਿਊਸਟਨ, ਔਸਟਿਨ ਤੇ ਸੈਨ ਐਂਟੋਨੀਓ ਸਮੇਤ ਟੈਕਸਾਸ ਭਰ ਤੋਂ ਕਮਿਊਨਿਟੀ ਮੈਂਬਰ ਸ਼ਾਮਲ ਹੋਏ।