ਵਾਸਿੰਗਟਨ : ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਦਾ ਆਰਟੇਮਿਸ-1 ਚੰਦਰਮਾ ਮਿਸ਼ਨ ਅੱਜ ਪੂਰਾ ਹੋਣ ਜਾ ਰਿਹਾ ਹੈ। ਓਰੀਅਨ ਪੁਲਾੜ ਯਾਨ ਅੱਜ ਐਤਵਾਰ ਨੂੰ 11:10 ਵਜੇ ਧਰਤੀ 'ਤੇ ਵਾਪਸ ਆਵੇਗਾ। ਇਸ ਦੀ ਲੈਂਡਿੰਗ ਮੈਕਸੀਕੋ ਦੇ ਗੁਆਡਾਲੁਪ ਟਾਪੂ ਦੇ ਕੋਲ ਪ੍ਰਸ਼ਾਂਤ ਮਹਾਸਾਗਰ ਵਿੱਚ ਹੋਵੇਗੀ। ਨਾਸਾ ਨੇ ਇਸ ਮਿਸ਼ਨ ਨੂੰ 25 ਦਿਨ ਪਹਿਲਾਂ 15 ਨਵੰਬਰ ਨੂੰ ਤੀਜੀ ਕੋਸ਼ਿਸ਼ ਵਿੱਚ ਲਾਂਚ ਕੀਤਾ ਸੀ।ਨਾਸਾ ਦਾ ਕਹਿਣਾ ਹੈ ਕਿ ਓਰੀਅਨ ਦਾ ਧਰਤੀ 'ਤੇ ਦਾਖਲਾ ਖਾਸ ਹੋਣ ਵਾਲਾ ਹੈ। ਇਹ 'ਸਕਿਪ ਐਂਟਰੀ' ਤਕਨੀਕ ਅਪਣਾ ਕੇ ਪਹਿਲੀ ਵਾਰ ਧਰਤੀ 'ਤੇ ਉਤਰੇਗਾ। ਇਸ ਪ੍ਰਕਿਰਿਆ ਦੇ ਤਿੰਨ ਪੜਾਅ ਹਨ। ਓਰਿਅਨ ਸਭ ਤੋਂ ਪਹਿਲਾਂ ਧਰਤੀ ਦੇ ਵਾਯੂਮੰਡਲ ਦੇ ਉਪਰਲੇ ਹਿੱਸੇ ਵਿੱਚ ਦਾਖਲ ਹੋਵੇਗਾ। ਇਸ ਤੋਂ ਬਾਅਦ ਇਹ ਆਪਣੇ ਅੰਦਰਲੇ ਕੈਪਸੂਲ ਦੀ ਮਦਦ ਨਾਲ ਵਾਯੂਮੰਡਲ ਤੋਂ ਬਾਹਰ ਚਲਾ ਜਾਵੇਗਾ।ਅੰਤ ਵਿੱਚ, ਇਹ ਪੈਰਾਸ਼ੂਟ ਰਾਹੀਂ ਵਾਯੂਮੰਡਲ ਦੇ ਅੰਦਰ ਵਾਪਸ ਆ ਜਾਵੇਗਾ।ਸਕਿਪ ਐਂਟਰੀ ਦੇ ਦੌਰਾਨ, ਪੁਲਾੜ ਯਾਨ ਦੇ ਚਾਲਕ ਦਲ ਅਤੇ ਸਰਵਿਸ ਮੋਡੀਊਲ ਇੱਕ ਦੂਜੇ ਤੋਂ ਵੱਖ ਹੋ ਜਾਣਗੇ। ਸਰਵਿਸ ਮਾਡਿਊਲ ਅੱਗ ‘ਚ ਝੁਲ਼ਸ ਜਾਵੇਗਾ ਤਾਂ ਕਰੂ ਮੋਡਿਊਲ ਪੈਰਾਸ਼ੂਟ ਦੀ ਮਦਦ ਨਾਲ ਆਪਣੀ ਨਿਸ਼ਚਿਤ ਜਗ੍ਹਾ 'ਤੇ ਡਿੱਗ ਜਾਵੇਗਾ। ਵਾਯੂਮੰਡਲ ਵਿੱਚ ਮੁੜ-ਪ੍ਰਵੇਸ਼ ਕਰਨ ਨਾਲ ਇਸਦੀ ਰਫ਼ਤਾਰ ਕਾਫ਼ੀ ਹੌਲੀ ਹੋ ਜਾਵੇਗੀ।
