ਲੰਡਨ, 06 ਮਈ : ਮਹਾਰਾਜਾ ਚਾਰਲਸ ਤੀਜੇ ਦਾ ਸ਼ਨੀਵਾਰ ਨੂੰ ਤਾਜਪੋਸ਼ੀ ਕੀਤੀ ਗਈ। ਕਿੰਗ ਚਾਰਲਸ III ਅਤੇ ਉਸਦੀ ਪਤਨੀ ਕੈਮਿਲਾ ਨੂੰ ਵੈਸਟਮਿੰਸਟਰ ਐਬੇ ਵਿਖੇ ਤਾਜ ਪਹਿਨਾਇਆ ਗਿਆ ਸੀ। ਦੋ ਹਜ਼ਾਰ ਤੋਂ ਵੱਧ ਲੋਕ ਇਸ ਤਾਜਪੋਸ਼ੀ ਪ੍ਰੋਗਰਾਮ ਦੇ ਗਵਾਹ ਬਣੇ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਜਦੋਂ ਮਹਾਰਾਜਾ ਚਾਰਲਸ ਤੀਜੇ ਦੀ ਤਾਜਪੋਸ਼ੀ ਕੀਤੀ ਜਾ ਰਹੀ ਸੀ ਤਾਂ 'ਗੌਡ ਸੇਵ ਕਿੰਗ ਚਾਰਲਸ' ਦੇ ਜ਼ੋਰਦਾਰ ਨਾਅਰੇ ਲੱਗ ਰਹੇ ਸਨ। ਕਿੰਗ ਚਾਰਲਸ III ਨੂੰ ਦੇਖਣ ਲਈ ਬਰਮਿੰਘਮ ਪੈਲੇਸ ਤੋਂ ਵੈਸਟਮਿੰਸਟਰ ਐਬੇ ਤੱਕ ਸੜਕ ਦੇ ਨਾਲ ਹਜ਼ਾਰਾਂ ਲੋਕ ਇਕੱਠੇ ਹੋਏ। ਵੈਸਟਮਿੰਸਟਰ ਐਬੇ 1066 ਵਿੱਚ ਵਿਲੀਅਮ ਪਹਿਲੇ (ਵਿਲੀਅਮ ਦਿ ਵਿਜੇਤਾ) ਦੇ ਸਮੇਂ ਤੋਂ ਹਰ ਬ੍ਰਿਟਿਸ਼ ਤਾਜਪੋਸ਼ੀ ਦਾ ਗਵਾਹ ਰਿਹਾ ਹੈ। ਰਾਜਾ ਚਾਰਲਸ III ਅਤੇ ਉਸਦੀ ਪਤਨੀ ਕੈਮਿਲਾ ਇਸ ਸ਼ਾਨਦਾਰ ਪਰੰਪਰਾ ਨੂੰ ਜਾਰੀ ਰੱਖ ਰਹੇ ਹਨ। ਤਾਜਪੋਸ਼ੀ ਸਥਾਨ ਦੀ ਫੁਟੇਜ ਸ਼ੇਅਰ ਕਰਦੇ ਹੋਏ ਟਵੀਟ 'ਚ ਕਿਹਾ ਗਿਆ, ''ਵੇਸਟਮਿੰਸਟਰ ਐਬੇ ਰਾਜਾ ਚਾਰਲਸ III ਅਤੇ ਮਹਾਰਾਣੀ ਕੈਮਿਲਾ ਦੀ ਤਾਜਪੋਸ਼ੀ ਲਈ ਤਿਆਰ ਹੈ।'' ਤੁਹਾਨੂੰ ਦੱਸ ਦੇਈਏ ਕਿ ਚਾਰਲਸ III ਅਤੇ ਕੈਮਿਲਾ ਦਾ ਵਿਆਹ ਸਾਲ 2005 'ਚ ਹੋਇਆ ਸੀ।
