ਏਥਨਜ਼, 26 ਨਵੰਬਰ : ਕੋਮੋਹੋਸ-ਧਵਜਾਂਕਿਤ ਇਕ ਮਾਲਵਾਹਕ ਜਹਾਜ਼ ਲੈਸਬੋਸ ਟਾਪੂ ਨੇੜੇ ਤੂਫਾਨੀ ਹਵਾਵਾਂ ਕਾਰਨ ਡੁੱਬ ਗਿਆ ਹੈ, ਜਿਸ ਤੋਂ ਬਾਅਦ 14 ਵਿਅਕਤੀ ਲਾਪਤਾ ਹਨ। ਇਕ ਗ੍ਰੀਕ ਤੱਟ ਰੱਖਿਅਕ ਨੇ ਐਤਵਾਰ ਨੂੰ ਕਿਹਾ ਕਿ ਉਨ੍ਹਾਂ ਲੋਕਾਂ ਲਈ ਇੱਕ ਵੱਡਾ ਬਚਾਅ ਅਭਿਆਨ ਚਲਾਇਆ ਜਾ ਰਿਹਾ ਹੈ। ਸਮਾਚਾਰ ਏਜੰਸੀ ਏਐਫਪੀ ਅਨੁਸਾਰ, ਨੇਵੀ ਦੇ ਇਕ ਹੈਲੀਕਾਪਟਰ ਨੇ ਚਾਲਕ ਦਲ ਦੇ ਇਸ ਮੈਂਬਰ ਨੂੰ ਬਚਾ ਲਿਆ ਸੀ। ਪੰਜ ਮਾਲਵਾਹਕ ਜਹਾਜ਼, ਤਿੰਨ ਤੱਟ ਰੱਖਿਅਕ ਜਹਾਜ਼, ਹਵਾਈ ਫ਼ੌਜ ਅਤੇ ਨੇਵੀ ਦੇ ਹੈਲੀਕਾਪਟਰ ਅਤੇ ਨਾਲ ਹੀ ਇਕ ਨੇਵੀ ਦੀ ਟੀਮ ਬਚਾਅ ਕਾਰਜਾਂ ਵਿੱਸ ਜੁਟੀ ਹੋਈ ਹੈ। ਸਰਕਾਹੀ ਏਥਨਜ਼ ਸਮਾਚਾਰ ਏਜੰਸੀ ਨੇ ਦੱਸਿਆ ਕਿ ਮਾਲਵਾਹਕ ਜਹਾਜ਼ ਵਿੱਚ ਚਾਲਕ ਦਲ ਦੇ 14 ਮੈਂਬਰ ਸਨ ਅਤੇ ਉਸ 'ਤੇ ਨਮਕ ਲੱਦਿਆ ਹੋਇਆ ਸੀ। ਤੱਟ ਰੱਖਿਅਕ ਦਲ ਦਾ ਹਵਾਲਾ ਦਿੰਦੇ ਹੋਏ, ਸਮਾਚਾਰ ਏਜੰਸੀ ਨੇ ਕਿਹਾ ਕਿ ਐਤਵਾਰ ਸਵੇਰੇ ਇਹ ਲੈਸਬੋਸ ਤੋਂ ਦੱਖਣ-ਪੱਛਮ ਵਿੱਸ 4.5 ਸਮੁੰਦਰੀ ਮੀਲ ਹੇਠਾਂ ਚਲਾ ਗਿਆ। ਜਹਾਜ਼ ਮਿਸਰ ਦੇ ਦੇਖੇਇਲਾ ਤੋਂ ਇਸਤਾਂਬੁਲ ਵੱਲ ਰਵਾਨਾ ਹੋਇਆ ਸੀ। ਸਮਾਚਰ ਏਜੰਸੀ ਅਨੁਸਾਰ, ਚਾਲਕ ਦਲ ਦੇ ਮੈਂਬਰਾਂ ਵਿੱਚ ਦੋ ਸੀਰੀਆਈ ਨਾਗਰਿਕ, ਚਾਰ ਭਾਰਤੀ ਅਤੇ ਅੱਠ ਮਿਸਰਵਾਸੀ ਸ਼ਾਮਲ ਹਨ। ਸ਼ਨਿਚਰਵਾਰ ਨੂੰ ਗ੍ਰੀਸ ਦੇ ਕਈ ਹਿੱਸਿਆਂ ਵਿੱਚ ਜਹਾਜ਼ ਫਸੇ ਹੋਏ ਸਨ ਅਤੇ ਹਵਾ ਦੀ ਰਫਤਾਰ 9-10 ਤੱਕ ਪਹੁੰਚ ਗਈ ਸੀ, ਜਿਸ ਨੂੰ ਆਮ ਤੌਰ 'ਤੇ ਇੱਕ ਮਜ਼ਬੂਤ ਹਨੇਰੀ ਮੰਨਿਆ ਜਾਂਦਾ ਹੈ। ਹੈਲੇਨਿਕ ਨੈਸ਼ਨਲ ਮੌਸਮ ਵਿਗਿਆਨ ਸੇਵਾ ਵੱਲੋਂ ਇੱਕ ਐਮਰਜੈਂਸੀ ਮੌਸਮੀ ਚਿਤਾਵਨੀ ਨੂੰ ਸ਼ਨਿਚਰਵਾਰ ਨੂੰ ਵਿਗੜਦੇ ਮੌਸਮ ਦੀ ਚਿਤਾਵਨੀ ਨੂੰ ਖਤਰਨਾਕ ਚਿਤਾਵਨੀ ਵਿੱਚ ਅਪਗ੍ਰੇਡ ਕਰ ਦਿੱਤਾ ਗਿਆ ਸੀ, ਕਿਉਂਕਿ ਤੂਫਾਨ ਓਲਿਵ ਐਡ੍ਰਿਆਟਿਕ ਸਮੁੰਦਰ ਤੋਂ ਗ੍ਰੀਸ ਵੱਲ ਵਧ ਗਿਆ ਸੀ।
